“Time” žurnaly her ýyl bolşy ýaly, ýylyň iň täsirli 100 adamynyň sanawyna taýýarlady. Neşiriň sahabyny Angliýada ýaşaýan alban aýdymçy Dua Lipa bezeýär. Sanaw “Sungat işgärleri”, “Kumirler”, “Meşhurlar” “Liderler”, “Täzelikçiler” we “Pionerler” ýaly birnäçe ugra bölünýär.
Asly albaniýaly britan aýdymçysy Dua Lipa “Sungat işgärleri” ugry boýunça iň abraýly şahsyýetleriň biri boldy. Şeýle hem, täsirli “sungat işgärleriniň” arasynda aktýorlar Dew Patel we Kolman Domingo we repçi “Sawage 21” bar.
“Time” žurnaly “Kumirler” ugrundan režissýorlar Haýao Miýadzaki, awstraliýaly aýdymçy Kaýli Minougy, amerikaly kinorežissýor Sofiýa Kopollany we başgalary ýatlap geçdi. Niderlandly “Red Bull” toparynyň uçarmany Maks Werstappen, “Microsoft”-yň baş direktory Satýa Nadella bilen birlikde “Titan” ugruna girdi.
Žurnal “Liderler” toparynda Kataryň Premýer-ministri we daşary işler ministri Muhammet bin Abdul Rahman Al Tani, Italiýanyň Premýer-ministri Jorja Melonini we Argentinanyň Prezidenti Hawýer Mileýi saýlady. Şeýle hem sanawda Hytaý Halk Respublikasynyň Döwlet Geňeşiniň Premýer-ministri Li Sýan, Polşanyň Premýer-ministri Donald Tusk we başgalar bar.
“Täzelikçiler” ugry boýunça “Nvidia” kompaniýasynyň baş direktory Jensen Huang, “Pionerler” ugry boýunça bolsa, aktrisa Amerika Ferrera iň täsirli adamlardan biri boldy.
