Çagalar edebiýaty boýunça “Nobel baýragy” hasaplanýan Hans Kristian Anderseniň altyn medaly 2024-nji ýylda awstriýaly ýazyjy Haýns Ýanişe we Kanadaly suratkeş Sidneý Smite gowşuryldy. Bu barada Italiýada geçirilen Bolonýa çagalar edebiýaty ýarmarkasynda Halkara çagalar kitap geňeşiniň emin agzalarynyň başlygy Liz Peýj habar berdi.
Halkara ýarmarkasyna 90-dan gowrak ýurtdan 1500 adam gatnaşdy. Baý maksatnama 600 töweregi çäräni öz içine aldy. Hans Kristian Andersen baýragy 1956-njy ýylda ÝUNESKO-nyň Çagalar we ýaşlar edebiýaty boýunça halkara geňeşi tarapyndan döredilip, her iki ýyldan bir gezek berilýär.
