Slowakiýada ýaşaýan ukrainaly gyz Aliýa Nasyrowa 257,33 santimetre ýetýän uzyn saçlary bilen Ginnesiň rekordlar kitabyna girdi. Suratkeş, grafiki illýustrator, model bolup işleýän bu gyzyň boýy 1,65 metre deň. Ginnesiň rekordlar kitabynyň wekilleri Aliýany “Janly Rapunsel” diýip atlandyrdylar. Aliýanyň aýtmagyna görä, özüniň şeýle uzyn saçlaryň eýesi bolmaga ejesi, enesi hem-de multfilmiň gahrymany Rapunsel ylham beripdir. Aliýa Nasyrowa “Lo Show dei Record” italýan telewideniýesiniň žurnalisti bilen söhbetdeşlikde hiç wagt saçyny kesdirmändigini, diňe ujuny çyrpandygyny gürrüň berdi.
