Türkiýäniň çempionaty “Süper Lig”-de “Galatasaraý” topary bassyr 2-nji, umumylykda 24-nji çempionlygyny baýram etdi. Mundan öňki tapgyrda öz meýdançasynda “Fenerbahçeden” 1-0 asgyn gelip, çempionlygy 38-nji tapgyra goýan “Galatasaraý” myhmançylykda “Konýaspordan” Ikardi (2) we Kutlunyň gollary esasynda 3-1 hasabynda üstün çykdy. 102 utuk toplan “Galatasaraý” soňky tapgyrda “Istanbulspory” 6-0 ýeňen “Fenerbahçeden” 3 utuk öňe saýlandy. Çempionatyň taryhynda “Galatasaraý” iň köp utuk toplap, çempionlyk gazanan klub boldy. Toparyň ýyldyzlary Mauro Ikardi 25 gol bilen iň netijeli hüjümçi, 13 goluň pasyny beren Dris Mertens bolsa iň köp asist eden oýunçy bolmagy başardy.
Çempionatda iň aşaky orunlary eýelän Stambul şäheriniň 3 kluby – “Istanbulspor”, “Pendikspor”, “Fatih Karagümrük”, şol sanda soňky tapgyrda “Trabzonspordan” 4-2 asgyn gelen paýtagt Ankaranyň “Ankaragüjü” topary 2-nji liga düşdi.
