NBC News-iň habar bermegine görä, Stenford uniwersitetinde okuwa başlanyndan 83 ýyl soň, 105 ýaşly Wirjiniýa Hislop magistr derejesini aldy. Ol 1936-njy ýylda bu uniwersitete okuwa girýär we bakalawr derejesini alýar. Hislop ýyllyk işini tamamlaýar. Ol magistr derejesini almak üçin öz dissertasiýasynyň gutarnykly görnüşini tabşyrmalydy, emma ýaş uçurym munuň ýerine täze goş birikdiren ýanýoldaşy bilen Oklahomada asal aýyna gidýär. 1941-nji ýylda bolsa ýanýoldaşy Ikinji jahan urşy sebäpli harby gulluga çagyrylýar. Şeýlelikde onuň magistr derejesini almak arzuwy başa barmaýar. Uruş gutarandan soň ol ýoldaşy bilen Waşington ştatyna gelýär. Zenan özüni bilim pudagynda jemgyýetçilik işlerine bagyşlaýar, ýoldaşy bolsa maldarçylyk bilen meşgullanýar. 2018-nji ýylda Hislop okuw üçin zerur bolan pul serişdesini toplamak üiçn ýörite haýyr-sahawat agşamyny guraýar. Netijede, 105 ýaşly zenan 83 ýyldan soň Stenforda gaýdyp gelýär. Şeýlelikde, Wirjiniýa Hislop ýokary okuw mekdebiniň dekany Deniýel Şwarsyň gowşurmagynda magistr diplomynyň eýesi bolýar.
Mährem BABAMYRADOWA, TMÝG-niň Hojambaz etrap Geňeşiniň Ýaşlar guramasynyň işjeň agzasy.
