“Real Madriddäki” 23 ýyllyk başdangeçirmesini tamamlap, klubdan gaýdan Naço Fernandesiň täze kluby belli boldy. Ozaldanam garaşylyşy ýaly, 34 ýaşyndaky futbolçy Saud Arabystanynyň klublaryndan “Al-Kadsia” toparynyň düzümine goşuldy. Ol 2-nji ligadan Saudi Pro Liga dolanan “Al-Kadsia” topary bilen 2 ýyllyk şertnama baglaşdy. Naço özüniň transferi bilen baglanyşykly: Şeýle netijä gelmek maňa ýeňil düşmedi. Durmuşymdaky iň kyn pursatlaryň biridi. Ýene bir möwsüm oýnap-oýnamazlyk barada kän pikir etdim. Realdan nägile bolup gaýdasym gelenok. Ol meň durmuşymyň topary, ýöne kynam bolsa täze başdangeçirmeler gerekli. Özümi Reala garşy oýunda görmek islämok – diýip, gürrüň berdi.
Naço “Realda” 6-sy Çempionlar Ligasynyň, 4-si “La Liganyň” jemi 26 kubok gazandy. Naço çempionatdan soň “Al-Kadsia” toparynyň düzümine goşular.
