Myh­man­ha­na­lar ýa­şa­mak we dynç almak üçin amat­ly şert­le­ri bo­lan döwrebap merkez bo­lup, sy­ýa­hat­çy­la­ryň göwnejaý dynç al­ma­gy­ny üp­jün ed­ýär. Gin­ne­siň Bü­tin­dün­ýä re­kord­lar ki­ta­by­nyň mag­lu­mat­la­ry­na gö­rä, 705-nji ýyl­da Ýa­po­ni­ýa­da dö­re­di­len Ni­si­ýa­ma On­sen Ke­ýun­kan merkezi res­mi taý­dan il­kin­ji myh­man­ha­na ha­sap­lan­ýar. Soň­ky ýyl­lar­da dün­ýä­niň dür­li kün­je­gin­de bi­na­gär­lik gur­lu­şy, owa­dan­ly­gy, hö­dür­len­ýän hyz­mat­la­ry we şert­le­ri bi­len bi­ri-bi­rin­den ta­pa­wut­lan­ýan myh­man­ha­na­la­ryň müň­ler­çe­si gu­rul­dy. Ga­ze­ti­mi­ziň şu sa­nyn­da be­zeg aý­ra­tyn­ly­gy, esa­san hem, reňk­li gur­lu­şy bi­len ta­pa­wut­lan­ýan dün­ýä­dä­ki iň meş­hur 5 myh­man­ha­na bi­len ta­nyş­dyr­ýa­rys.

«Be­la Vis­ta», Por­tu­ga­li­ýa. Por­ti­man ke­nar­ýa­ka şä­he­rin­de ýer­leş­ýän bu 5 ýyl­dyz­ly myh­man­ha­na­nyň reňk­le­ri Por­tu­ga­li­ýa­nyň te­bi­gy gö­zel­lik­le­rin­den yl­ham al­ýar. Al­gar­wi se­bi­tin­de gur­lan goň­rum­tyl-al­tyn­sow reňk­li myh­man­ha­na­nyň iç­ki be­ze­gin­de, esa­san, gök reňk ula­ny­lyp­dyr. Gök reňk­dä­ki be­zeg­ler myh­man­ha­na­ny At­lan­tik um­ma­ny­nyň aja­ýyp gör­nü­şi bi­len bir­leş­dir­ýär. «Praia da Rocha» ke­nar­ýa­ka dynç alyş mer­ke­zi­niň ýa­nyn­da ýer­leş­ýän bu myh­man­ha­na­da reňk­li dynç alyş otag­la­ry bi­len bir ha­tar­da, dynç alyş how­zy, açyk aş­ha­na, pal­ma­ly meý­dan­ça bar. Por­tu­ga­li­ýa­nyň gü­nor­ta­syn­da­ky ke­nar­ýa­ka­da ýer­leş­ýän bu bi­na XIX asyr­da gur­lan maş­ga­la öýi bo­lup, 1934-nji ýyl­da myh­man­ha­na öw­rül­ýär.

«Ro­sas & Xocola­te Bou­tique», Mek­si­ka. Myh­man­ha­na­nyň fla­min­go reňk­li bi­na­sy ro­man­tik gö­zel­li­gi eme­le ge­tir­ýär. Me­ri­da şä­he­rin­dä­ki ka­kao bag­çy­lyk meý­da­nyn­da ýer­leş­ýän gül­gün reňk­li 17 otag­ly myh­man­ha­na­nyň ýa­nyn­da dynç alyş how­zy we çüw­dü­rim bar. Myh­man­ha­na­nyň how­lu­sy­na ýag­ty­ly­gyň düş­me­gi bi­len gül­gün reňk­li di­war­lar suw­da şöh­le­le­nip, aja­ýyp gör­nü­şi eme­le ge­tir­ýär.

«JW Mar­riott», Wýet­nam. «Älem­go­şar» şy­pa­ha­na­sy at­ly bu myh­man­ha­na­nyň her bi­na­sy baş­ga bir reňk­den yl­ham al­ýar. Tai­land aý­la­gy­nyň Fu­ku­ok se­bi­tin­dä­ki «JW Mar­riott» myh­man­ha­na­sy sy­ýa­hat­çy­lyk pu­da­gyn­da «Wýet­na­myň mer­je­ni» ady bi­len ta­nal­ýar. Tro­pik to­ka­ýyň jüm­mü­şin­de, ma­wy deň­ziň ke­na­ryn­da ýer­leş­ýän bu top­lum owa­dan reňk­li ki­çi­jik şä­he­re meň­ze­ýär.

«Colo­ny», ABŞ. Flo­ri­da­nyň pal­ma to­kaý­la­ry­ny we gü­neş­li te­bi­ga­ty­ny syn­la­ma­ga müm­kin­çi­lik ber­ýän «Colo­ny» myh­man­ha­na­sy Palm Biç ke­nar­ýa­ka şä­her­çe­si­niň meş­hur ny­şan­la­ry­nyň bi­ri­dir. Se­bit­de «reňk­li şaý-sep­ler» ady bi­len ta­nal­ýan bu myh­man­ha­na iň­lis bi­na­gär­lik nus­ga­la­ryn­dan yl­ham al­nyp gur­lup­dyr. Myh­man­ha­na­nyň daş­ky gör­nü­şi açyk gül­gün reňk­de bo­lup, iç­ki otag­lar dür­li reňk­dä­ki gül­li öý goş­la­ry bi­len be­ze­lip­dir. Açyk eý­wan­la­ry, bir­nä­çe dynç alyş how­zy bo­lan «Colo­ny» myh­man­ha­na­sy geç­miş bi­len gel­je­gi bir­leş­dir­ýän aja­ýyp reňk saz­la­şy­gy­ny eme­le ge­tir­ýär. Myh­man­ha­na de­giş­li res­to­ran sy­ýa­hat­çy­la­ra iň go­wy gast­ro­no­mi­ýa nus­ga­la­ry­ny hö­dür­le­ýär.

Grit­ti köş­gi, Ita­li­ýa. We­ne­si­ýa­nyň Uly ka­na­ly­nyň ke­na­ryn­da ýer­leş­ýän, XVI asyr­da gur­lan köşk myh­man­ha­na­sy öz­bo­luş­ly reňk saz­la­şy­gy bi­len tö­we­re­gi­ne owa­dan­lyk ber­ýär. Da­şy şo­ko­lad reňk bi­len be­ze­len myh­man­ha­na­nyň iç­ki be­ze­gin­de go­ýy gy­zyl, gök we na­rynç reňk­ler ula­ny­lyp­dyr. Myh­man­ha­na­da ta­ry­hy pur­sat­la­ry su­rat­lan­dyr­ýan kar­ti­na­ly burç­lar bo­lup, dä­liz­ler kür­sü­ler bi­len be­ze­lip­dir. Myh­man­lar otag­la­ryň ara­la­ryn­da­ky kür­sü­ler­de otu­ryp, ki­tap okap ýa-da çaý­dyr ko­fe içip, dynç alyp bil­ýär­ler. Myh­man­ha­na­nyň da­şar­ky how­lu­syn­da açyk res­to­ran hem bar. Bu­lar­dan baş­ga-da, myh­man­lar owa­dan reňk­li eý­wan­la­ra çy­kyp, ka­nal­dan geç­ýän gä­mi­le­ri syn­lap bil­ýär­ler.

Gyzykly bolup bilerЕЩЕ ОТ АВТОРА