Konor Gallaheri “Atletiko Madride” ugradan “Çelsi” topary ispan klubundan portugaliýaly ýyldyz oýunçy Žoao Feliksi transfer etdi. Londonlylar 24 ýaşyndaky hüjümçi üçin madridlilere 50+5 million funt sterling tölär. Feliks “Çelsi” bilen 7 ýyllyk şertnama baglaşdy. Feliks täzeden “Çelsä” gaýdyp geleni üçin örän şatdygyny belläp, Premier Liga öňküsinden taýýardygyny aýtdy. Ol ozalam, ýagny 2022/23 möwsüminiň 2-nji ýarymynda “Çelside” oýnapdy. Şonda 20 oýunda 4 gol geçiripdi. Feliks geçen möwsümi “Barselonada” kärendesine geçirip, 44 duşuşykda 10 goly derwezä girizdi. 2019-njy ýylda “Benfikadan” “Atletiko Madride” 126 million ýewro transfer bolan Feliks ispan toparynda 131 duşuşykda 44 gezek tapawutlandy.
