Italiýanyň “Ýuwentus” topary “Fiorentinanyň” argentinaly ýarymgoragçysy Nikolas Gonzalesi düzümine goşdy. Turinliler 26 ýaşyndaky wingeri 1 ýyllygyna kärendesine transfer etdi. “Ýuwentus” kärende tölegi üçin florensiýalylara 8 million ýewro berer. “Ýuwentus” topary möwsümiň ahyrynda bolsa oýunçyny 25+5 million ýewro töläp, ymykly transfer etmek hukugyna hem eýe boldy.
Argentinanyň milli ýygyndysynda 39 gezek meýdança çykan Gonzales “Fiorentinadan” öň “Ştutgart” hem-de “Argentinos Huniors” toparlarynda oýnapdy. Ol “Fiorentinada” 3 möwsümde 125 oýunda 38 gol geçirdi.
Tälimçilige Tiago Mottany bellän “Ýuwentus” şu tomusda Duglas Luizi, Kefren Turamy, Huan Kabraly, Miçele Di Gregoriany hem-de Pier Kaluluny düzümine goşupdy.
