Germaniýanyň çempionaty “Bundesliganyň” 2-nji tapgyrynda geçen möwsümiň ýeňlişsiz çempiony “Baýeriň” jadysy tamamlandy. Öz meýdançasynda Leipsigi kabul etdi. Çekeleşikli geçen oýunda ýer eýeleri “Baýer” 1-nji ýarymyň ahyrynda Frimpongyň (39) hem-de Grimaldonyň (44) gollary bilen 2-0 öňe saýlandy. Ýöne 1-nji ýarym tamamlanmanka, “Leipsig” aratapawudy 1 gola düşürmegi başardy. 45+7-nji minutda Kampl tapawutlandy. 2-nji ýarymda-da Loi Openda “Leipsige” ýeňiş getiren oýunçy boldy. Ol 57-nji hem-de 80-nji minutlarda 2 owadan gol geçirdi. Galan minutlarda mundan öň 10-dan gowrak oýunda soňky minutlarda ýa hasaby deňlän, ýa-da ýeňiş gazanmagy başaran “Baýere” bu gezek şol däbine eýermek başartmady. Şunlukda, “Baýer” “Bundesligada” 35 oýundan soň ilkinji gezek ýeňlişe sezewar boldy. “Baýer” “Bundesligada” soňky gezek 2023-nji ýylyň maýynda utulypdy.
