Angliýanyň “Premier Ligasynda” soňky çempion “Mançester Siti” myhmançylykda “West Ham” bilen duşuşdy. 3-1 hasabynda ýeňiş gazanan “Mançester Sitiniň” gollarynyň 3-sini hem Erling Holann geçirdi. Ol 10-njy, 30-njy hem-de 83-nji minutlarda tapawutlanyp, çempionatdaky bassyr 2-nji, umumylykda 8-nji het-trigini etdi. Onuň çempionatdaky geçiren gollarynyň sany 69 oýunda 70-e ýetdi. Duşuşykda “West Hamyň” ýeke-täk goluny 19-njy minutda Ruben Diaş ýalňyşlyk bilen öz derwezesinden girizdi.
Wise-çempion “Arsenal” 2-nji ýarymy 1 oýunçy kem oýnan duşuşygynda öz meýdançasynda Braýton bilen 1-1 hasabynda deňme-deň oýnady (Hawerts 38 – Žoao Pedro 58).
Öz meýdançasynda “Bornmut” bilen duşuşan “Ewerton” 87-nji minutdan soň 3 gol geçirdip, 2-0 öňde barýan oýnunda 3-2 asgyn geldi Kin 50, Kalwert-Lewin 57 – Semenýo 87, Kuk 90+2, Sinisterra 90+6).
