UEFA Milletler Ligasynyň täze möwsüminiň (2024/25) “D” Ligasynyň 1-nji toparçasynda taryhy waka bolupdy. Henize çenli resmi duşuşyklarda ýeňiş gazanyp görmedik San Marinonyň ýygyndysyny Lihtenşteýniň ýygyndysyny 1-0 hasabynda ýeňlişe sezewar etdi. Serrawalle şäherindäki San Marino stadionynda geçirilen oýundaky bu taryhy ýeke-täk goly 53-nji minutda Niko Sensoli öz adyna ýazdyrdy. Şunlukda, San Marinonyň ýygyndysy 34 ýyllyk taryhynda ilkinji gezek resmi duşuşykda ýeňiş gazandy. Bu olaryň umumylykda 2-nji ýeňşi bolup, San Marino taryhyndaky ilkinji ýeňşini 2004-nji ýylda gazanypdy. Şonda ýoldaşlyk duşuşygynda ýene-de Lihtenşteýni 1-0 hasabynda ýeňen San Marino 2-nji ýeňşi üçin 20 ýyl garaşmaly boldy. San Marinonyň ýygyndysy şu wagta çenli 206 duşuşyk geçirdi. Şolarda 2 ýeňiş gazanyp, 9 gezegem deňme-deň oýnady. 195 oýunda-da utulan San Marinonyň ýygyndysy 34 gol geçirip, 824 gol geçirtdi.
Lihtenşteýniň ýygyndysy bolsa soňky gezek San Marinony 2020-nji ýylda ýeňipdi.
