Gazagystanyň paýtagty Astanadaky Halkara türki akademiýasy, Türki Döwletler Guramasynyň (TDG) Türki dünýäsi umumy elipbiý geňeşiniň 34 harply umumy türki elipbiý teklibi bilen ylalaşylandygyny mälim etdi. Akademiýanyň beren beýanatynda Türk dil jemgyýeti bilen hyzmatdaşlykda 9-11-nji sentýabrda Bakuda geňeşiň ýygnagynyň geçirilendigi habar berildi. Ýygnakda ilkinji gezek 1991-nji ýylda alymlar tarapyndan teklip edilen latyn harplaryna esaslanýan umumy türk elipbiýiniň giňişleýin gözden geçirilendigi, 34 harply elipbiýde ylalaşylandygy mälim edildi. Teklip edilýän her bir harp türki dillerdäki sesleri aňladýandygy mälim edildi.
Bu elipbiýiň döredilmeginiň esasy maksadynyň türki halklaryň arasyndaky ikitaraplaýyn hyzmatdaşlygy artdyryp, dil mirasyny gorap saklamakdan ybaratdygy bellenildi.
