“Mançester Ýunaýteddäki” şertnamasy tamamlanan fransiýaly Antoni Marsial täze klubuny tapdy. 28 ýaşyndaky hüjümçi erkin agent ýagdaýynda Gresiýanyň AEK toparynyň düzümine goşuldy. Ol afinylylar bilen 3 ýyllyk şertnama baglaşdy.
“Mançester Ýunaýtedde” 8 möwsüm oýnan Marsial ýarym möwsüm “Sewilýada” kärendesine hem çykyş etdi. “Lionda” futbola başlan Marsial “Monakoda” 3 möwsüm oýnady. Ol karýerasy boýunça 403 oýunda 106 gol geçirip, 56 asist etdi. Marsial milli ýygyndyda-da 30 oýunda 2 pökgini derwezä girizdi.
