Fransiýanyň çempionatynda sanawyň ýeňlişsiz lideri PSŽ-niň bu derejesini saklamagyny dowam edýär. 6-njy tapgyryň çäginde öz meýdançasynda “Renn” bilen duşuşan parižliler 3-1 hasabynda ýeňiş gazandy. PSŽ toparyna ýeňiş getiren gollaryň 2-sini 30-njy we 68-nji minutlarda Nikola Barkola, beýlekisini-de 58-nji minutda Li Kan In geçirdi. “Renn” toparynyň ýeke-täk goluny bolsa, 73-nji minutda penaltiden Arno Kalimuendo öz adyna ýazdyrdy. PSŽ utugyny 16-a çykaryp, 1-nji ýerdäki ornuny saklamagyny dowam edýär.
6-njy tapgyryň başga bir duşuşygynda “Oser” topar öz meýdançasynda “Bresti” 3-0 hasabynda ýeňlişe sezewar etdi (Owusu 26, Žubal 37 p, Traore 59).
