UEFA Çempionlar Ligasynda soňky çempion “Real Madrid” myhmançylykda Fransiýanyň “Lill” toparyndan Jonatan Dewidiň 45+3-nji minutda penaltiden geçiren goly esasynda 1-0 hasabynda asgyn geldi. “Real Madrid” bu ýaryşda 14 oýundan soň ýeňlişe sezewar boldy. “Real Madrid” ähli ýaryşlary hasaba alanyňda, 36 oýundan soň ýeňildi. Ançelottiniň şägirtleri soňky gezek ýanwar aýynda utulyp, klubuň rekordyna 4 oýun galypdy.
Öz meýdançasynda “Monakony” kabul eden “Dinamo Zagreb” 2-0 öňe saýlansa-da, olara bu üstünligini saklamak başartmady we duşuşyk 2-2 hasabynda deňlikde tamamlandy.
“Atalanta” myhmançylykda “Şahtýoryň” derwezesinden jogapsyz 3 gol girizdi. Duşuşykda Ademolu Lukman 1 gol geçirip, 1 goluň pasyny berdi. “Klub Brýugge” bolsa myhmançylykda “Şturm Grasdan” Solisiň ýeke-täk goly esasynda üstün çykmagy başardy.
