UEFA-nyň 3-nji derejeli ýaryşy Konferensiýa Ligasynda 3-nji duşuşyklar geçirildi. Tapgyryň iň uly hasaply ýeňşi Londonda hasaba alyndy. “Çelsi” kluby Ermenistanyň “Noa” toparyndan 8-0 hasabynda üstün çykdy. 1-nji ýarymda 6 gol geçiren “Çelsiniň” gollaryny Adarabioýo (12), Giu (13), Disasi (18), Žoao Feliks (21), Mydryk (39) hem-de Nkunku (69, 76 p) geçirdi. Bu netije “Çelsi” klubunyň taryhynda iň uly hasaply 2-nji ýeňiş bolup, londonlylar 1971-nji ýylda Lýuksemburgyň “Ženess Eş” toparyny şol wagtky Kubokçylaryň Kubogy ýaryşynda 13-0 ýeňipdiler. “Çelsi” topary Konferensiýa Ligasynda 3 duşuşygynda-da ýeňiş gazanan 6 toparyň biri bolup, olar sanawyň başyny çekýär.
Polýak klublary “Legia Warşawa” hem-de “Ýagelloniýa Belostok” toparlary bu tapgyrda-da garşydaşlaryny ýeňip, 2-3-nji orunlary paýlaşýarlar. Wenanyň “Rapid” topary, Portugaliýanyň “Witoria de Gimaraýnş” topary, şeýle-de, Germaniýanyň “Haýdenhaým” kluby “Çelsidir”, “Legia” hem-de “Ýagelloniýa” ýaly 3-nji duşuşygynda-da ýeňiş gazanan beýleki toparlardyr.
“Fiorentinanyň” myhmançylykda APOEL-den utulmagy tapgyryň iň garaşylmadyk netijesi boldy.
Wikingur Reýkýawik – Boras Banýa Luka: 2-0
Petrokub Hynçeşty – Rapid Wena: 0-3
TSS – Lugano: 4-1
HIK – Olimpiýa Lýublýana: 0-2
Gent – Omoniýa: 1-0
Legia Warşawa – Dinamo Minsk: 4-0
Pafos – Astana: 1-0
Şamrok Rowers – Nýu Seýnts: 2-1
APOEL – Fiorentina: 2-1
Çelsi – Noa: 8-0
Ýurgorden – Panatinaikos: 2-1
Kopengagen – Istanbul Başakşehir: 2-2
Hart of Midlotian – Haýdenhaým: 0-2
Ýegelloniýa Belostok – Molde: 3-0
Larn – Seýnt-Gallen: 1-2
LASK – Serkl Brýugge: 0-0
Betis – Selýe: 2-1
Witoria de Gimaraýnş – Mlada Boleslaw: 2-1
