Angliýanyň “Premier Ligasyndaş” 11-nji tapgyrda soňky 4 ýylyň çempiony “Mançester Siti” bassyr 2-nji gezek ýeňlişe sezewar boldy. Myhmançylykda “Braýton” bilen duşuşan şäherliler Erling Holannyň 23-nji minutdaky goly esasynda öňe saýlansa-da, olara üstünligini saklamak başartmady. Duşuşygyň 65-nji minutynda oýna giren Žoao Pedro 78-nji minutda hasaby deňledi. 83-nji minutda bolsa onuň pasyndan soň O’Raýli ýer eýelerine ýeňiş getiren goly geçirdi. Şunlukda, “Mançester Siti” çempionatda bassyr 2-nji gezek ýeňlişe sezewar boldy. Iň esasysy hem “Mançester Siti” topary 2016-njy ýyldan bäri, ýagny Pep Guardiolanyň tälim berip başlanyndan buýana ilkinji gezek yzly-yzyna 4 duşuşykda ýeňildi. “Mançester Siti” topary bu duşuşykdan öň Liga Kubogy ýaryşynda “Tottenhamdan” 2-1, çempionatda “Bornmutdan” 2-1, Çempionlar Ligasynda-da “Sportingden” 4-1 utulypdy. Şol duşuşyklaryň soňky 3-sinde “Mançester Siti” öňe geçse-de, olar ýeňlişe sezewar boldy.
