Bütin dünýäniň sabyrsyzlyk bilen garaşan boks duşuşygynda Jeýk Pol rowaýaty Maýk Taýsondan üstün çykmagy başardy. 2 minutlyk 8 raundyň netijesinde eminler 78:76 hasap bilen 27 ýaşyndaky Poly ýeňiji diýip yglan etdiler. 5-nji raundda hasaplar deňdi – 38:38. 7-nji raunda 68:65 Pol öňe saýlandy. 8-nji raunddan soň bolsa Jeýk Pol ýeňiji diýlip yglan edildi. Ol duşuşyk tamamlansoň başyny egmek bilen 58 ýaşyndaky Maýk Taýsona hormat goýýandygyny görkezdi. Tutluşykdan soň bolsa: – Maýk Taýson bir rowaýaty, ähli döwürleriň iň güýçlüsi. Onuň bilen riňge çykmak meniň üçin gaty uly abraý. Ol dünýädäki iň gaty adam – diýip beýanat berdi.
Soňky raundlary hereketsiz, hatda urgusyz geçen 80 million dollar baýrakly duşuşykdan soň, Jeýk Pola 40, Maýk Taýsona bolsa 20 million dollaryň beriljekdigi metbugatda mälim edildi.
