UEFA Milletler Ligasynda “A” Liganyň 2-nji toparçasynda sanawyň lideri üýtgedi. Milanyň San Siro stadionynda Fransiýany kabul eden italýanlar 3-1 hasabynda ýeňlişe sezewar boldy. Fransiýadaky ýeňlişiň aryny şol bir hasap bilen alan fransuzlar gol aratapawudy boýunça 1-nji orna beýgeldi. Bu bolsa çärýek finalda Ispaniýadyr Germaniýanyň ýa-da Portugaliýanyň ýygyndysy bilen duşuşmaýandygyny aňladýar. Duşuşykda Fransiýanyň ýygyndysyna ýeňiş getiren gollaryň 2-sini Adrien Rabio (2, 65), beýlekisini-de derwezeçi Gulielmo Wikarionyň (33) özi ýalňyşlyk bilen tora girizi. Italiýadan Andrea Kambiasonyň (35) goly ýeňşe-de, birinjilige-de ýetmedi. Duşuşykda Italiýa 2-1 hasabynda ýeňlen bolsa olar birinji orny eýelärdi.
Toparçadaky beýleki duşuşykda Ysraýyl Budapeştde Belgiýany Şuanyň 86-njy minutdaky goly bilen 1-0 ýeňdi. Bu netijelerden soň Ysraýyl “B” Ligasyna düşse, Belgiýanyň ýygyndysy “A” Ligada galmak üçin pleý-off oýnuny geçirmeli bolar.
