Futbolyň şasy hasaplanýan braziliýaly futbolçy Pele mundan 55 ýyl ozal şu gün, ýagny 1969-njy ýylyň 19-njy noýabrynda karýerasyndaky 1000-nji goluny geçirýär. Ol topary “Santosyň” Riodaky meşhur “Marakana” stadionynda “Wasko da Gama” bilen geçirjek duşuşygyna çenli 999 gol salypdy we şol duşuşykda-da 1000-nji goluna ýetmek isleýärdi. Duşuşygyň 33-nji minutynda eminiň bellän penaltisini dürs uran Pele 1000-nji goluny derwezä girizýär. Goldan soň “Santos” toparynyň janköýerleri meýdança girip, Peläni eginlerine mündürip, meýdançanyň kenarynda aýlanyp başlaýarlar. Oýun durzulypdy, onsuzam oýun bilen gyzyklanýan ýokdy. Hemmeler Peläniň 1000-nji golunyň begenjini paýlaşýar.
Soňlugy bilen, Pele karýerasy boýunça ähli ýaryşlary hasaba alanyňda, 1279 gol geçirýär. Ähli döwürleriň iň uly ýyldyzy hasaplanýan Pele 2022-nji ýylyň 29-njy dekabrynda 82 ýaşynda aradan çykýar.
