Ispaniýanyň “Barselona” topary öz meýdançasynda bu ýaryşyň garaşylmadyk öňdebaryjylaryndan, ýeňlişsiz “Brest” topary bilen duşuşdy. Ýer eýeleriniň doly artykmaçlygynda geçen oýnuň 10-njy minutynda Robert Lewandowski eminiň bellän penalti urgusyny dürs urup, hasaby açdy. Bu polşaly hüjümçiniň UEFA Çempionlar Ligasyndaky 100-nji goly hökmünde hasaba alyndy. Ol Çempionlar Ligasynda Kristiano Ronaldo we Lionel Messiden soň 100 gol geçiren 3-nji futbolçy bolup, ol 125 oýunda bu statistika ýetmegi başardy. Duşuşygyň 66-njy minutynda Dani Olmo hasaby 2-ä çykarsa, 90+2-nji minutda 101-nji goluny geçiren Lewandowski oýna soňky nokady goýdy. “Brest” bu ýaryşda ilkinji gezek ýeňlip, “Barselona” 4-nji ýeňşini baýram etdi.
