ABŞ-nyň çempionaty MLS-de çempion belli boldy. Pleý-off tapgyrynyň final duşuşygynda “Nýu Ýork Red Bulls” toparyny 2-1 hasabynda ýeňlişe sezewar eden “Los Anjeles Galaksi” topary MLS-iň çempionlygyny gazandy. Kaliforniýanyň Karson şäherinde oýnalan finalda ýeňiş gazanan toparyň gollaryny 9-njy minutda Ýosef Painstil bilen 13-nji minutda Deýan Ýowelýiç geçirdi. “Nýu Ýork Red Bulls toparynyň ýeke-täk goluny bolsa 28-nji minutda Şon Nils öz adyna ýazdyrdy. Şunlukda, “Los Anjeles Galaksi topary 10 ýyldan soň MLS Kubogyny gazanmagy başardy. Marko Roýs, Maýa Ýoşida, Riui Puig ýaly oýunçylaryň çykyş edýän “Los Anjeles Galaksi” topary mundan öň 2002-nji, 2005-nji, 2011-nji, 2012-nji we 2014-nji ýyllarda çempionlyk gazanypdy. 4 gezegem finalda utulan “Los Anjeles Galaksi” topary MLS Kubogyny iň köp eýelän topardyr. Germaniýaly ýyldyz oýunçy Marko Roýs “Borussiýa Dortmundda” ençeme ýyl oýnap çempionlyk gazanyp bilmändi. Täze yklymda, täze klubda ilkinji möwsüminde çempion bolmagy başardy.

“Nýu Ýork Red Bulls” 2008-nji ýyldan soň 2-nji gezek finalda ýeňlişe sezewar boldy.

Gyzykly bolup bilerЕЩЕ ОТ АВТОРА