Hy­taý­da adam­sy­pat ro­bot­la­ryň no­bat­da­ky ýa­ry­şy ge­çi­ril­di. Ýur­duň paý­tag­ty Pe­kin­de ikin­ji ge­zek ge­çi­ri­len ýa­rym ma­ra­fon­da adam­lar bi­len bir ýo­da­da ro­bot­lar hem ýa­ryş­dy. Sport bi­len teh­no­lo­gi­ýa­nyň du­şu­şan tä­sin ýa­ry­şyn­da ro­bot­la­ryň ara­syn­da tä­ze re­kord ha­sa­ba alyn­dy. «Pe­kin E-şä­her ýa­rym ma­ra­fo­ny we adam­sy­pat ro­bot ýa­rym ma­ra­fo­ny» diý­lip at­lan­dy­ry­lan sport çä­re­sin­de 21,1 ki­lo­metr ara­lyk­da ge­çi­ri­len ýa­ryş­da ro­bot­lar ada­myň şol bir ara­lyk­da re­kor­dy­ny tä­ze­le­di. Mo­bil en­jam­la­ry ön­dür­ýän «Ho­nor» bren­di­niň iş­läp taý­ýar­lan ro­bo­ty bu ara­ly­gy 50 mi­nut 26 se­kunt­da geç­me­gi ba­şar­dy. Şol mo­de­le de­giş­li ýe­ne iki ro­bot de­giş­li­lik­de, 50 mi­nut 56 se­kunt­da hem-de 53 mi­nut 1 se­kunt­da pel­le­ha­na gel­me­gi ba­şar­dy. Her bir ro­bo­ty ge­rek bo­lan ha­la­tyn­da uzak­dan do­lan­dyr­ýan hü­när­men­ler bar.
Ýa­rym ma­ra­fon bo­ýun­ça dün­ýä re­kor­dy hä­zir­ki wagt­da er­kek­le­riň ara­syn­da ugan­da­ly Ýa­kob Kip­li­mo de­giş­li bo­lup, ol şu ýy­lyň mart aýyn­da Lis­sa­bon­da ge­çi­ri­len ýa­ryş­da bu ara­ly­gy 57 mi­nut 20 se­kunt­da ge­çip­di. Bu ugur­da ze­nan­la­ryň ara­syn­da­ky re­kord 2021-nji ýyl­da ha­sa­ba al­nyp­dy. Efio­pi­ýa­ly Le­te­sen­bet Gi­deý Wa­len­si­ýa­da ge­çi­ri­len ýa­ryş­da bu ara­ly­gy 1 sa­gat 2 mi­nut 52 se­kunt­da ge­çip­di.
Pe­kin­de ge­çi­ri­len ýa­ryş­da adam­lar bi­len ro­bot­lar ara­sy­na me­tal ger­mew çe­ki­len şol bir ýo­da­da yl­ga­dy­lar. Ro­bot­la­ry iş­läp taý­ýar­la­ma­ga teh­no­lo­gi­ýa kom­pa­ni­ýa­la­ry, uni­wer­si­tet­ler, yl­my-bar­lag ins­ti­tut­la­ry, ro­bot ýa­sa­mak bi­len meş­gul­lan­ýan hö­wes­jeň klub­lar gat­naş­ýar. Ýa­ry­şa je­mi 105 ro­bot gat­naş­dy.
Ge­çen ýyl il­kin­ji ge­zek ge­çi­ri­len ýa­ryş­da
«Ti­an­gong Ult­ra» at­ly ro­bot ýa­rym ma­ra­fo­ny 2 sa­gat 40 mi­nut 42 se­kunt­da ge­çip­di.

Gurbanmämmet AMANOW,
Türkmenistanyň Kärdeşler arkalaşyklarynyň Magtymguly etrap birleşmesiniň başlygy.

Gyzykly bolup bilerЕЩЕ ОТ АВТОРА