Ka­zan­Fo­rum: asyl­ly men­zil­ler, ýa­kyn gat­na­şyk­lar

Ber­ka­rar döw­le­tiň täze eýýamynyň Galkynyşy döwründe Gahryman Arkadagymyzyň we hormatly Prezidentimiziň taý­syz ta­gal­la­la­ry bi­len hal­ka­ra baş­lan­gyç­la­ry­ny ama­la aşyr­mak­da we se­bit­de hyz­mat­daş­ly­gy, yna­nyş­ma­gy ber­kit­mek­de «Rus­si­ýa – Ys­lam dün­ýä­si: Ka­zan­Fo­rum» hal­ka­ra yk­dy­sa­dy fo­ru­my­nyň äh­mi­ýe­ti­ne aý­ra­tyn uly orun de­giş­li­dir. Türk­me­nis­tan bi­len Rus­si­ýa hal­ka­ra gi­ňiş­lik­de iş­jeň hyz­mat­daş­lyk ed­ýär­ler, BMG-niň we beý­le­ki iri hal­ka­ra gu­ra­ma­la­ryň çäk­le­rin­de aý­ra­tyn äh­mi­ýet­li baş­lan­gyç­la­ry­dyr tek­lip­le­ri iler­let­mek­de bi­rek-bi­re­gi yzy­gi­der­li gol­da­ýar­lar.
Şu nuk­daý­na­zar­dan, türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedowyň Rus­si­ýa Fe­de­ra­si­ýa­sy­nyň Ta­ta­rys­tan Res­pub­li­ka­sy­na ama­la aşyr­jak sa­pa­ry hem-de «Rus­si­ýa – Ys­lam dün­ýä­si: Ka­zan­Fo­rum» hal­ka­ra yk­dy­sa­dy fo­ru­my­na gat­naş­ma­gy se­bit we hal­ka­ra gat­na­şyk­la­ry­nyň ta­ry­hyn­da mö­hüm sa­hy­pa bo­lar. Bu sa­par di­ňe bir yk­dy­sa­dy däl, eý­sem, ru­hy-me­de­ni we dip­lo­ma­tik taý­dan uly äh­mi­ýe­te eýe­dir.
Ka­zan­Fo­rum – Rus­si­ýa Fe­de­ra­si­ýa­sy bi­len Ys­lam dün­ýä­si­niň ýurt­la­ry­nyň ara­syn­da­ky öza­ra bäh­bit­li hyz­mat­daş­ly­gy ber­kit­mek üçin esa­sy meý­dan­ça bo­lup hyz­mat ed­ýär.
Hal­ka­ra fo­ru­myň hem-de onuň çäk­le­rin­de ge­çi­ril­jek «Rus­si­ýa – Ys­lam dün­ýä­si hyz­mat­daş­lyk EXPO», «Hal­ka­ra em­läk ba­za­ry» at­ly ser­gi­ler we mas­la­hat­lar, «Ka­zan ha­lal ba­za­ry» hal­ka­ra ýar­mar­ka­sy, «Asyl­ly mo­da gü­ni» fes­ti­wa­ly ýa­ly ugur­daş çä­re­ler söw­da do­la­ny­şy­gy­ny art­dyr­mak we ma­ýa go­ýum­la­ry çek­mek, «De­mir­ga­zyk-Gü­nor­ta» hal­ka­ra ulag ge­çel­ge­si­ni ös­dür­mek, ha­lal önüm­çi­lik ül­ňü­le­ri­ni or­naş­dyr­mak umu­my gym­mat­lyk­la­ra esas­lan­ýan dost­luk­ly gat­na­şyk­lar hu­su­san-da me­de­ni-yns­an­per­wer gat­na­şyk­la­ry pug­ta­lan­dyr­mak­da mö­hüm ädi­me öw­rü­ler. Fo­rum 12–17-nji maý ara­ly­gyn­da ge­çi­ri­ler we oňa dün­ýä­niň 60-dan gow­rak ýur­dun­dan we­kil­le­riň gel­me­gi­ne ga­ra­şyl­ýar. Esa­sy işe­wür­lik du­şu­şyk­la­ry we yla­la­şyk­lar «Ka­zan Expo» hal­ka­ra ser­gi mer­ke­zi­niň meý­dan­ça­la­ryn­da ama­la aşy­ry­lar.
Türk­me­nis­tan bu hal­ka­ra fo­rum­da özü­niň mil­li pa­wil­ýo­ny bi­len we­kil­çi­lik eder. Ser­gi­de ýur­du­my­zyň ma­ýa go­ýum tas­la­ma­la­ry, yk­dy­sa­dy kuw­wa­ty we hal­ka­ra hyz­mat­daş­ly­gy ös­dür­mek bo­ýun­ça tek­lip­le­ri giň­den gör­ke­zi­ler. Türk­me­nis­ta­nyň mil­li pa­wil­ýo­ny fo­ru­myň gat­na­şy­jy­la­ry­na ýur­du­my­zyň yk­dy­sa­dy ösüş­le­ri we gel­jek­ki bi­le­lik­dä­ki tas­la­ma­lar bi­len ýa­kyn­dan ta­nyş­ma­ga müm­kin­çi­lik be­rer.
Türk­me­nis­tan bi­len Rus­si­ýa Fe­de­ra­si­ýa­sy oňyn sy­ýa­sy-dip­lo­ma­tik gat­na­şyk­la­ry ös­dür­mek bi­len, söw­da-yk­dy­sa­dy ul­gam­da, ýan­gyç-ener­ge­ti­ka top­lu­myn­da we beý­le­ki pu­dak­lar­da ne­ti­je­li hyz­mat­daş­lyk ed­ýär­ler. Bu ugur­lar­da bar bo­lan kuw­wat­lyk­la­ry ha­sa­ba al­mak ar­ka­ly umu­my ta­gal­la­la­ryň bir­leş­di­ril­me­gi has ne­ti­je­li ha­sap edil­ýär.
Iki ýur­duň ara­syn­da­ky hyz­mat­daş­lyk gat­na­şyk­la­ry hal­ka­ra de­re­je­sin­dä­ki çä­re­ler bi­len hem ut­ga­şyk­ly ös­dü­ril­ýär. Iki ýur­duň çä­gin­de ge­çi­ril­ýän fo­rum­lar­dyr mas­la­hat­la­ra ýo­ka­ry de­re­je­de iş­jeň gat­na­şyk sak­lan­ýar. Rus­si­ýa Fe­de­ra­si­ýa­sy­nyň Ta­ta­rys­tan Res­pub­li­ka­syn­da «Ka­zan Fo­ru­my­ny» ge­çir­mek in­di asyl­ly dä­be öw­rül­di. Bu fo­rum il­kin­ji ge­zek 2009-njy ýyl­da ge­çi­ril­di. Rus­si­ýa Fe­de­ra­si­ýa­sy­nyň Pre­zi­den­ti­niň ka­ra­ry bi­len fo­ru­ma fe­de­ral de­re­je­si be­ril­di. Şon­dan bäri oňa gat­na­şy­jy­la­ryň ge­ri­mi bar­ha gi­ňe­ýär.
Mä­lim bol­şy ýa­ly, Gah­ry­man Ar­ka­da­gy­myz 2025-nji ýyl­da hem bu iri we­kil­çi­lik­li fo­ru­ma gat­naş­dy. Mah­la­sy, türk­men hal­ky­nyň Mil­li Li­de­ri­niň Ka­za­na bu ge­zek­ki sa­pa­ry hem RF-niň Ta­ta­rys­tan Res­pub­li­ka­sy bi­len ne­ti­je­li hyz­mat­daş­ly­gy, umu­man, Rus­si­ýa Fe­de­ra­si­ýa­sy bi­len gat­na­şyk­la­ry mun­dan beý­läk-de pug­ta­lan­dyr­ma­gyň ýo­lun­da no­bat­da­ky ädim bo­lar. Ýur­du­my­zyň ys­lam dün­ýä­si­niň döw­let­le­ri bi­len hyz­mat­daş­ly­gy-da ok­gun­ly ös­dü­ril­ýär. Şu­nuň bi­len bag­ly­lyk­da, Gah­ry­man Ar­ka­da­gy­my­zyň 2022-nji we 2024-nji ýyl­lar­da hor­mat­ly myh­man hök­mün­de «Rus­si­ýa – Ys­lam dün­ýä­si: Ka­zan­Fo­rum» hal­ka­ra yk­dy­sa­dy fo­rum­la­ry­na gat­na­şan­dy­gy­ny bel­le­mek ge­rek. Ýur­du­my­zyň we­ki­li­ýe­ti-de 2009-njy ýyl­dan bä­ri her ýyl ge­çi­ril­ýän bu we­kil­çi­lik­li du­şu­şy­ga en­çe­me ge­zek gat­naş­dy.

Şemşat KLIÇOWA,
Türkmen döwlet binagärlik-gurluşyk institutynyň uly mugallymy.