«OpenAI» kompaniýasy özüniň «ChatGPT» emeli aň çatbotunyň işine täze çäklendirmeleri girizdi. Indi çatbot belli ýazyjylaryň, şol sanda Stiwen Kingiň, Jon Steýnbekiň, Agata Kristiniň ýa-da Ernest Hemingueýiň özboluşly ýazyş tärini göni göçürmek ýa-da olara öýkünmek baradaky haýyşlary ýerine ýetirmekden sypaýyçylyk bilen ýüz öwürýär. Bu barada «Ars Technica», «Engadget» we «Fast Company» ýaly halkara köpçülikleýin habar beriş serişdeleriniň geçiren synaglaryna salgylanyp habar berilýär.

Täze düzgünler diňe bir häzirki zaman ýazyjylaryna däl, eýsem, mundan köp ýyl ozal aradan çykan nusgawy awtorlara hem degişlidir. Ulanyjy tarapyndan berlen haýyşlara jogap döredilende, çatbot awtorlyk stilini doly gaýtalamaga hukugynyň ýokdugyny bildirip, onuň ornuna diňe şol žanra mahsus bolan umumy mazmunly, özboluşly täze tekstleri hödürleýär. «No Latency» neşiri tarapyndan geçirilen barlaglar öň bu hili çäklendirmeleriň bolmandygyny we täze düzgünnamanyň golaýda girizilendigini tassyklaýar.

Bu çäre «OpenAI» kompaniýasynyň awtorlyk hukuklaryny goramak baradaky kazyýet işleriniň hem-de «Anthropic» kompaniýasyna garşy çykarylan iri kazyýet kararlarynyň netijesinde kabul edildi. Şunlukda, kompaniýa öz emeli aň guralynyň başgalaryň döredijiligini göni göçürmän, eýsem diňe ylham beriji gural hökmünde hyzmat edýändigini subut etmäge çalyşýar. Emeli aň tarapyndan döredilýän şeýle tekstler bolsa asyl eserleriň çeperçilik derejesine we çuňňur mazmunyna ýetip bilmeýär.

Gyzykly bolup bilerЕЩЕ ОТ АВТОРА