“La Ligada” möwsüme şowly, uly hasaply ýeňişler bilen başlan “Barselona” topary Çempionlar Ligasyna hem ýokary depginde girişdi. Öz meýdançasynda “Feýenoordy” 5-1 hasabynda ýeňen katalonlaryň gollaryny 3-nji we 57-nji minutlarda Rafinýa, 22-nji minutda Adeýemi, 77-nji minutda jerime urgusyndan Ýamal hem-de 85-nji minutda Gabriel Žesus geçirdi. 2 goly dürli sebäplerden hasaba alynmadyk “Feýenoord” toparynyň ýeke-täk pökgüsini 82-nji minutda Steiýn öz adyna ýazdyrdy.

Tapgyryň öňe saýlanýan oýunlarynyň birinde “Liwerpul” bilen “Atletiko Madrid” duşuşdy. Ispan topary Llorenteniň 17-nji minutdaky goly bilen öňe geçse-de, iňlisler Soboslainiň 40-njy hem-de Mak Allisteriň 50-nji minutlardaky takyk urgulary esasynda ýeňşini baýram etdi.

Gyzykly bolup bilerЕЩЕ ОТ АВТОРА