UEFA Çempionlar Ligasynda soňky 4 ýylda 2 gezek finala çykan “Inter” topary täze möwsüme şowsuz başlady. 1-nji oýunda myhmançylykda “Real Madridden” 2-1 hasabynda asgyn gelen “Inter” öz meýdançasynda  Belgiýanyň “Klub Brýugge” topary bilen duşuşdy. 7 goluň geçirilen duşuşygynda myhmanlar garaşylmadyk ýeňşini baýram etdi. 30-njy minutda 22 ýaşyndaky Nikola Tresoldi penaltiden “Klub Brýuggeni” öňe saýlady. 44-nji minutda Lautara Martines hasaby deňledi. 63-nji we 74-nji minutlarda tapawutlanan Tresoldi het-trik etdi. 81-nji minutda Lautara Martines 2-nji goluny geçirip, aratapawudy azaltsa-da, 87-nji minutda Wermant 4-nji pökgini “Interiň” torundan girizdi. Bonniniň 90+3-nji minutda salan goly “Intere” ýeňiş üçin ýeterlik bolmady.

Şeýlelikde, “Inter” öz meýdançasynda “Klub Brýuggeden” 4-3 hasabynda asgyn geldi. “Inter” topary Çempionlar Ligasynda soňky 4 duşuşygynda ýeňlişe sezewar boldy. Soňky 8 oýnuň 7-sinde utulan “Inter” öz meýdançasynda yzly-yzyna 4-nji gezek ýeňildi.

Gyzykly bolup bilerЕЩЕ ОТ АВТОРА