UEFA Çempionlar Ligasynda liga tapgyrynyň 2-nji duşuşyklarynda 78 gol hasaba alyndy. Geçirilen şol 78 gol rekorda deň bolup, mundan öň 18 oýunly tapgyrlarda iň köp 71 gol derwezä girizilipdi. Çarşenbe güni oýnalan 8 duşuşygyň 6-synda 5 we 5-den köp gol hasaba alyndy. 18 oýnuň diňe 2-si 1-0 hasabynda tamamlanyp, ähli duşuşykda gol geçirildi. Diňe 1 duşuşyk deňlikde tamamlanyp, 7 oýunda myhmanlar, 10 oýunda-da ýer eýeleri ýeňşini baýram etdi.

Ispan klublarynyň 5-si hem ýeňiş gazanmagy başardy. 1-nji tapgyrda iňlis klublary şeýle netije görkezipdi. Bu gezek iňlis klublarynyň 3-si ýeňip, 2-si ýeňlişe sezewar boldy. Italýan klublarynyň 4-si hem garşydaşlaryndan asgyn gelip, nemes toparlarynyň 3-si ýeňşini baýram etdi, biri ýeňildi. Fransiýadan hem 1 topar ýeňiş gazanyp, 2 topar utuk gazanyp bilmedi.

Tapgyryň oýunçysy diýlip het-trik eden “Liwerpulyň” fransuz ýyldyzy Bredli Barkola saýlandy. Ol bu ugurda “Klub Brýuggeniň” ýaş oýunçysy, “Interiň” derwezesinden 3 gol geçiren Nikolo Tresoldiden, “Bawariýanyň” 2 goluny salan Harri Keýnden hem-de 2 asist eden “barselonaly” Lamin Ýamaldan köp ses aldy.

Gyzykly bolup bilerЕЩЕ ОТ АВТОРА