Türkiýäniň “Fenerbahçe” topary-da Çempionlar Ligasynda 18 ýyldan soňky ilkinji ýeňşine golaýlady. Öz meýdançasynda “Slawiýa Praga” bilen duşuşan türk kluby Oguz Aýdynyň hem-de Grinwudyň gollary esasynda 2-0 hasabynda öňe saýlandy. Ýöne stambullylara bu üstünligini saklamak başartmady. Lukaş Prowodyň 15-nji hem-de Pawel Kuçoryň 90-njy minutdaky gollaryny saklap bilmedik “Fenerbahçe” meýdançany 1 utuk bilen terk etmeli boldy.

Geçen tapgyrda bu ýaryşdaky ilkinji utugyny gazanan Azerbaýjanyň çempiony “Sabah” topary öz meýdançasynda “Borussiýa Dortmunddan” 2-1 hasabynda ýeňildi. Nemes klubuna ýeňiş getiren gollaryň ikisini hem Seru Girassi derwezä girizdi.

“Porto” bilen PSW-niň arasyndaky oýunda ýeňijini ýeke-täk gol kesgitläp, myhmançylykdaky eýndhowenliler Guus Tiliň 57-nji minutdaky takyk urgusy esasynda ýeňiş bilen dolandy.

“Ştutgart” bilen “Atletiko Madridiň” arasyndaky oýunda ýeňiş gazanan bolmady. Ýer eýelerinden Jeými Lewellingiň 36-njy minutdaky goluna ispan topary 47-nji minutda Hulian Alwaresiň goly bilen jogap berdi. Oýnuň 64-nji minutynda “Atletikodan” Morten Ýullmann gyzyl kart aldy.

Gyzykly bolup bilerЕЩЕ ОТ АВТОРА