Gah­ry­man Ar­ka­da­gy­my­zyň baş­da dur­ma­gynda mu­kad­des Ga­raş­syz­ly­gy­my­zyň 28 ýy­lynyň için­de ýe­ti­len şöh­rat­ly men­zil­le­ri se­riň­de aý­la­nyň­da, özyg­ty­ýar­ly­ly­gyň, öz­baş­dak­ly­gyň çäk­siz gud­rat­dy­gy­na tag­zym ed­ýär­siň. Şol pur­sat:
Ar­ka­dag sa­ýa­syn­da
Ber­ka­rar­dyr döw­le­tim.
Yk­ba­lyň bi­je­sin­de
Aty çy­kan türk­men biz –
di­ýen se­tir­le­ri­ gaý­ta­la­ny­ňy duý­man gal­ýa­rsyň. Ga­raş­syz­ly­gy­my­zyň gud­ra­ty bi­len ha­ly, pa­las, ke­çe… ýa­ly mil­li mi­ras­la­ry­ň hem, be­hiş­di be­de­wi­mi­ziň hem yk­ba­ly­na nur-şug­la ça­ýyl­dy. Türk­men hal­ky­nyň dur­mu­şy­nyň, ýa­şaý­şy­nyň aý­ryl­maz bö­le­gi bo­lan, to­ýu­na, şat­ly­gy­na, gün­de­lik ala­da­sy­na şä­rik bo­lan be­dew­le­riň was­py Mä­tä­ji, Se­ýit­na­zar Seý­di… ýa­ly söz ägirt­le­ri­niň şy­gyr­la­ry­na siň­di. Hor­mat­ly Pre­zi­den­ti­mi­ziň “Döw­let gu­şy”, “Türk­men me­de­ni­ýe­ti”, “Ahal­te­ke be­de­wi – bi­ziň buý­san­jy­myz we şöh­ra­ty­myz”, “Ga­na­ty be­dew­ler” ýa­ly eser­le­rin­de ahal­te­ke be­dew­le­ri­niň hä­si­ýet­li­li­gi, düş­bü­li­gi, gö­ze ge­lüw­li owa­dan­ly­gy şa­hy­ra­na be­ýan edil­ýär. El­bet­de, di­ňe bir ata-ba­ba­la­ry­my­zyň söý­gü­si­ni ga­zan­mak bi­len çäk­len­män, eý­sem Par­fi­ýa döw­le­ti ba­ra­da gym­mat­ly ýaz­gy­la­ry gal­dy­ran grek ta­ryh­çy­sy we ge­og­ra­fi­ýa­çy­sy Strabo­nyň “Ge­og­ra­fi­ýa” at­ly ese­rin­de ýat­la­nan, Kse­no­fon ýa­ly ja­han­keş­de alym­la­ry haý­ra­na go­ýan ta­pyl­gy­syz, gym­mat­ly mi­ra­sy­my­za – be­hiş­di be­de­wle­ri­mi­ze­ has-da buý­san­jyň art­ýar. An­tik dö­wür­den şu gü­ne çen­li ýa­şaý­şyň haý­sy pur­sa­ty­na na­zar aý­la­sa­ňam, ahal­te­ke be­de­wle­ri­niň mi­ze­mez şöh­ra­ty­na duş gel­mek bol­ýar. Mu­nuň şeý­le­di­gi­ne hor­mat­ly Pre­zi­den­ti­mi­ziň “Türk­me­nis­tan – Be­ýik Ýü­pek ýo­lu­nyň ýü­re­gi” at­ly ese­ri­niň ikin­ji ki­ta­byn­da: “Kä­bir çak­la­ma­la­ra gö­rä, be­ýik ma­ke­don ser­ker­de­si­niň ro­wa­ýa­ta si­ňen Bu­se­fal at­ly şa be­de­wi hut şu nu­saý at­la­ry­nyň to­hu­myn­dan dö­räp­dir” di­ýen se­tir­le­ri aý­dyň­ly­gy bi­len şa­ýat­lyk ed­ýär. Şeý­le hem bu eser­de ýe­ne bir mag­lu­mat­da: “Nu­saý yba­dat­ha­na­sy­nyň di­war­la­ry çe­per su­rat­lar bi­len be­ze­lip­dir, ola­ryň bi­ri­niň dä­ne-dä­ne bö­lek­le­ri­ni hü­när­men­le­re di­kelt­mek ba­şart­dy. Bu ta­pyl­gy­syz sun­gat ese­ri­ni bu gün­ki gün Aş­ga­bat­da­ky Türk­me­nis­ta­nyň Şe­kil­len­di­riş sun­ga­ty mu­ze­ýin­de syn­lap bol­ýar. Ta­pyn­dy­nyň aw­to­ry, bel­li alym B. Pi­lip­ko­nyň pi­ki­ri­ne gö­rä, on­da Par­fi­ýa­nyň at­ly go­şu­ny­nyň ýörişi şe­kil­len­di­ri­lip­dir” di­ýlip be­ýan edil­ýär.
Gah­ry­man Ar­ka­da­gy­my­zyň “Türk­men me­de­ni­ýe­ti” at­ly ese­rin­de 1941-1945-nji ýy­lyň Wa­tan­çy­lyk ur­şu­nyň Ýe­ňiş pa­ra­dy­nyň ba­şy­ny çe­ke­n türk­me­niň ak be­de­wi­di­gi buý­sanç bi­len ýat­lan­ýar. Ýe­ňiş pa­ra­dy­nyň öňün­den Mar­şal T. Žu­kow üçin at saý­la­ma­ga ýö­ri­te taý­ýar­lyk gö­rül­ýär. Şon­da dür­li to­hum­dan bo­lan at­la­ryň bir­nä­çe­si­ni aý­man­ça­nyň içi­ne sa­lyp, köp­çü­li­giň öňü­ne çy­kan­da oý­nap, tans et­jek düş­bi aty saý­la­mak üçin or­kestr­de dür­li saz­la­ry çal­ýar­lar. Ýö­ne ola­ryň hiç bi­ri hem ola­ryň göw­nün­den tur­ma­ýar. Saz ça­lyp, ha­lys sur­nu­gan sa­zan­da­lar dynç al­ma­ga otur­ýar­lar. Edil şol pur­sa­dam ak ahal­te­ke be­de­wi ger­mew­den bö­küp çyk­ýar-da, tans oý­na­ma­ga, oýun et­mä­ge baş­la­ýar. Mar­şal üçin şol at saý­la­nyp alyn­ýar we il­kin­ji Ýe­ňiş pa­ra­dy­nyň ba­şy­ny çe­ken ak ahal­te­ke be­de­wi dün­ýä­niň ta­ry­hy­na gir­ýär.
Hor­mat­ly Pre­zi­den­ti­miz ta­ra­pyn­dan dün­ýä­de meş­hur türk­men at­la­ry­na be­ril­ýän uly äh­mi­ýet, ola­ry hal­ka­ra de­re­je­sin­de wa­gyz et­mek, at­çy­lyk spor­tu­ny düýp­li ös­dür­mek bo­ýun­ça dur­mu­şa or­naş­dy­ryl­ýan tu­tum­ly iş­le­riň ge­ri­mi­niň art­ma­gy­nyň ne­ti­je­sin­de mil­li mer­te­bä­miz hem bar­ha ýo­kar­lan­ýar. Dün­ýä­niň me­de­ni gaz­na­sy­na özü­niň mil­li buý­san­jy­ny go­şan halk hök­mün­de ahal­te­ke to­hum­ly at­la­ry ös­dü­rip ýe­tiş­dir­ýän, se­ýis­çi­lik sun­ga­ty­ny kä­mil­leş­dir­ýän halkymyz öz be­hiş­di be­dew­le­ri bi­len sun­ga­tyň be­lent de­re­je­le­ri­ne çyk­dy. Türk­men be­de­wi­niň mil­li baý­ra­my­nyň da­ba­ra­ly bel­le­ni­lip ge­çil­ýän­di­gi, us­sat ça­pyk­su­war­la­ryň ýel­den ýyn­dam be­dew­le­ri­miz bi­len dür­li hal­ka­ra ýa­ryş­la­ryn­da üs­tün­lik­li çy­kyş ed­ýän­dik­le­ri, eziz Di­ýa­ry­my­zyň äh­li we­la­ýat­la­ryn­da döw­re­bap aý­law­la­ry gur­ýan­dy­gy, hor­mat­ly Pre­zi­den­ti­mi­ziň ýy­gy-ýy­gy­dan ga­myş­gu­lak be­dew­le­ri­mi­ze at­lan­ma­gy ýurt möç­be­rin­de at­çy­ly­ga be­ril­ýän ün­süň ýo­ka­ry­dy­gy­ny gör­kez­ýär.
Be­hiş­di ahal­te­ke be­dew­le­ri­niň hak ho­wan­da­ry Gah­ry­man Ar­ka­da­gy­my­zyň ala­da­sy bi­len gö­zel paý­tag­ty­myz­da we äh­li we­la­ýat­la­ry­myz­da aý­law­la­r gu­rul­dy. Döw­let de­re­je­sin­de ge­çi­ril­ýän toý-baý­ram­la­ry­my­zyň be­ze­gi­ne öw­rü­len be­hiş­di be­dew­le­ri­miz bi­ri-bi­rin­den owa­dan, ýüw­rük, ýa­ryş­lar­da ýo­ka­ry ne­ti­je­le­ri gör­ke­zip, baý­rak­ly orun­la­ra my­na­syp bol­ýar­lar.
Gah­ry­man Ar­ka­da­gy­my­zy, şeý­le hem at­şy­nas­la­ry­my­zy, eziz il­deş­le­ri­mi­zi ýe­tip gel­ýän Türk­men be­de­wi­niň baý­ra­my bi­len tüýs ýü­rek­den gut­la­ýa­rys. Toý­la­r to­ýa ulaş­syn!

Aý­täç Gur­ban­dur­dy­ýe­wa,
Türk­men­ba­şy et­ra­by­nyň 2-nji or­ta
mek­de­bi­niň baş­lan­gyç synp mu­gal­ly­my.

Gyzykly bolup bilerЕЩЕ ОТ АВТОРА