Türk­me­nis­ta­nyň Pre­zi­den­ti
Ýa­po­ni­ýa­nyň Im­pe­ra­to­ry­ny gut­la­dy

Hor­mat­ly Pre­zi­den­ti­miz Gurbanguly Berdimuhamedow Türk­me­nis­ta­nyň hal­ky­nyň we Hö­kü­me­ti­niň adyn­dan, şeý­le hem hut öz adyn­dan Onuň Aly­je­na­by Na­ru­hi­to­ny Ýa­po­ni­ýa­nyň Im­pe­ra­to­ry hök­mün­de tag­ta geç­me­gi my­na­sy­bet­li, oňa tüýs ýü­rek­den çyk­ýan gut­lag­la­ry­ny we iň go­wy ar­zuw­la­ry­ny iber­di.
Mil­li Li­de­ri­miz gut­lag ha­tyn­da Türk­me­nis­tan bi­len Ýa­po­ni­ýa­nyň ara­syn­da­ky sy­ýa­sy, söw­da-yk­dy­sa­dy, dur­muş, me­de­ni-yn­san­per­wer we beý­le­ki ugur­lar bo­ýun­ça yzy­gi­der­li pug­ta­lan­ýan we kä­mil­leş­ýän gat­na­şyk­la­ryň ýo­ka­ry de­re­je­si­ni bel­le­me­giň gu­wan­dy­ry­jy­dy­gy­ny nyg­ta­dy.
Şeý­le hem döw­let Baş­tu­ta­ny­myz iki ýur­duň ägirt uly müm­kin­çi­lik­le­ri­ni bel­le­mek bi­len, halk­la­ry­my­zyň bäh­bi­di­ne gö­nük­di­ri­len öza­ra bäh­bit­li hyz­mat­daş­ly­gy mun­dan beý­läk-de ös­dür­mä­ge Türk­me­nis­ta­nyň taý­ýar­dy­gy­ny be­ýan et­di.
Hor­mat­ly Pre­zi­den­ti­miz şu ýa­kym­ly müm­kin­çi­lik­den peý­da­la­nyp, Ýa­po­ni­ýa­nyň Im­pe­ra­to­ry­na berk jan sag­lyk, şah­sy bag­ty­ýar­lyk we aba­dan­çy­lyk, Ýa­po­ni­ýa­nyň dost­luk­ly hal­ky­na bol­sa pa­ra­hat­çy­ly­gy, öňe git­me­gi we gül­läp ös­me­gi ar­zuw et­di.
(TDH).

Ýa­po­ni­ýa­nyň Im­pe­ra­to­ry Aki­hi­to uly og­ly, mi­ras­dü­şer şa­za­da Na­ru­hi­to­ny tag­ta çy­ka­ryp, özü­niň dynç al­şa gid­ýän­di­gi­ni mä­lim et­di. 30-njy ap­rel­de To­kio­nyň mer­ke­zin­dä­ki Im­pe­ra­tor köş­gün­de Na­ru­hi­to­nyň tag­ta geç­me­gi my­na­sy­bet­li uly da­ba­ra ge­çi­ril­di. Şol gün 85 ýaş­ly Aki­hi­to or­ta asyr­la­ryň hö­küm­dar­la­ry­nyň bi­çü­win­dä­ki res­mi ly­ba­syn­da köşk top­lu­my­nyň çäk­le­rin­dä­ki yba­dat­ha­na bar­dy. Aki­hi­to yba­dat­ha­na­da­ky däp­le­ri­ni ber­jaý eden­den soň, şol ýer­dä­ki köş­güň zy­nat­ly za­ly “Seý­den Ma­su-no-ma”-da öz ýe­ri­ne uly og­lu­nyň tag­ta geçýändigi my­na­sy­bet­li gu­ra­lan res­mi da­ba­ra gat­naş­dy. Bu ýer­de im­pe­ra­tor­lyk yg­ty­ýar­ly­gy­nyň ny­şan­la­ry bo­lan gy­ly­jyň, gym­mat ba­ha­ly daş – ýaş­ma­nyň, im­pe­ra­tor we döw­let mö­hür­le­ri­niň tag­ta geç­ýän Im­pe­ra­to­ra gow­şu­ry­lyş da­ba­ra­sy bol­dy. Da­ba­ra 300 adam­dan yba­rat Im­pe­ra­to­ryň maş­ga­la ag­za­la­ry, Mi­nistr­ler Ka­bi­ne­ti­niň ag­za­la­ry, Par­la­men­tiň iki pa­la­ta­sy­nyň ýol­baş­çy­la­ry, ýo­ka­ry ka­zy­ýe­tiň ka­zy­la­ry we şä­her hä­kim­li­gi­niň we­kil­le­ri gat­naş­dy­lar.
Da­ba­ra­da Ýa­po­ni­ýa­nyň Prem­ýer-mi­nist­ri Sind­zo Abe ýur­duň ra­ýat­la­ry­nyň adyn­dan çy­kyş edip, tä­ze Im­pe­ra­to­ry tag­ta geç­me­gi bi­len gut­la­dy. Ol hö­kü­met baş­tu­ta­ny hök­mün­de Ýa­po­ni­ýa­nyň gül­läp ös­me­gi ug­run­da ta­gal­la­la­ry­ny gaý­gyr­ma­jak­dy­gy­ny aýt­dy. Soň­ra Aki­hi­to Im­pe­ra­tor hök­mün­de soň­ky ge­zek hal­ka ýüz­len­di.
Düz­gü­ne gö­rä, Aki­hi­to 30-njy ap­re­liň soň­ky se­kun­dy­na çen­li hö­küm­dar ha­sap­lan­ýar. 1-nji maý­dan onuň 59 ýaş­ly uly og­ly Na­ru­hi­to im­pe­ra­tor bol­dy. Ýa­pon Im­pe­ra­to­ry­nyň meý­le­tin tagt­dan git­me­gi soň­ky ge­zek 1817-nji ýyl­da bo­lup­dyr. Ýur­duň tä­ze ta­ry­hyn­da Im­pe­ra­tor il­kin­ji ge­zek tagt­dan el çek­ýär. Çün­ki XIX asy­ryň ikin­ji ýa­ry­myn­dan soň, ka­da-ka­nun­lar Im­pe­ra­to­ryň tagt­da ömür­lik gal­ma­gy­ny ta­lap ed­ýär. Aki­hi­to 1989-njy ýy­lyň 8-nji ýan­wa­ryn­da hri­zan­te­ma tag­ty­na ge­çen­den soň, aýa­ly Mi­ti­ko bi­len hal­ka has ýa­kyn dur­mak­da uly ta­gal­la­ et­di­ler. Olar ýur­duň dür­li kün­jek­le­rin­de bo­lup, hal­kyň hal-ýag­daý­la­ry bi­len gy­zyk­lan­dy­lar.
Aki­hi­to­nyň pa­ty­şa­lyk eden 30 ýy­ly­nyň do­wa­myn­da ýurt­da asu­da­lyk hö­küm sü­rüp, ol “Pa­ra­hat­çy­lyk” eý­ýa­my diý­lip at­lan­dy­ryl­dy.
Ýa­po­ni­ýa­nyň tä­ze 126-njy Im­pe­ra­to­ry Na­ru­hi­to­nyň çy­ky­şyn­dan soň, ýa­pon se­ne­si bo­ýun­ça tä­ze “Reý­wa” eý­ýa­my­nyň (Ter­tip we saz­la­şyk) bi­rin­ji ýy­ly baş­la­ndy. “Reý­wa” di­ýip at ber­len eý­ýam ba­ra­da Mi­nistr­ler Ka­bi­ne­ti­niň baş sek­re­ta­ry Ýosihide Suga mä­lim et­di. Ýa­pon te­le­ýaý­ly­myn­da gö­ni ýaý­lym ar­ka­ly iki iýe­rog­lif­den yba­rat bo­lan “Reý­wa” di­ýen ýaz­gy gör­ke­zil­di. Tä­ze eý­ýa­myň se­ne ha­sa­by, ýurt­da mi­la­dy se­ne­si bi­len bir­ wagt­da ula­ny­lar.
“Reý­wa” sö­zi “Man­ýos­ýu” at­ly ýa­pon şyg­ry­ýet tez­ki­re­le­ri­niň bi­rin­den saý­la­nyp al­nyp­dyr. Eser­de ba­ha­ryň baş­la­ryn­da eri­giň gül­le­ýän pur­sady su­rat­lan­dy­ryl­ýar.
Na­ru­hi­to tä­ze we­zi­pe­de özü­niň il­kin­ji ge­zek hal­ka ýüz­len­me­sin­de Kons­ti­tu­si­ýa we hal­kyň erk-era­da­sy­na la­ýyk­lyk­da, döw­le­tiň hem-de mil­le­tiň ag­zy­bir­li­gi­niň ny­şa­ny hök­mün­de öz we­zi­pe­si­ni ýe­ri­ne ýe­tir­jek­di­gi­ni söz be­rip, tagt­dan gid­ýän ka­ka­sy­na ho­şal­lyk bil­dir­di.
Ýa­po­ni­ýa­nyň 85 ýaş­ly Im­pe­ra­to­ry Aki­hi­to ýa­şy bir çe­ne ba­ran­dy­gy üçin 2016-njy ýyl­da dynç al­şa çyk­ma­gy ni­ýet edin­ýän­di­gi­ni mä­lim edip­di. Şon­dan soň ýur­duň Par­la­men­tin­de uza­ga çe­ken mas­la­ha­tyň ne­ti­je­sin­de, 2017-nji ýy­lyň iýu­nyn­da Im­pe­ra­to­ra hä­ki­mi­ýet­den git­mä­ge yg­ty­ýar ber­ýän ýö­ri­te ka­nun ka­bul edi­lip, ol di­ňe Aki­hi­to de­giş­li edil­di. Ge­çi­ri­len pi­kir so­ra­ly­şy­ga la­ýyk­lyk­da, ýa­pon­la­ryň ag­la­ba­sy Aki­hi­to­nyň yg­ty­ýar­ly­gyn­dan el çek­mek ba­ra­da­ky is­le­gi­ne dü­şün­mek bi­len ga­ra­ýan­dyk­la­ry­ny mä­lim et­di­ler. Ýa­po­ni­ýa­da Im­pe­ra­tor Kons­ti­tu­si­ýa la­ýyk­lyk­da, döw­let ýol­baş­çy­sy sa­ýyl­man, eý­sem, di­ňe mil­le­tiň ag­zy­bir­li­gi­niň ny­şa­ny bo­lup dur­ýar. Onuň sy­ýa­sy yg­ty­ýar­lyk­la­ry bol­man, di­ňe sim­wo­lik hä­si­ýe­te eýe­dir. Mil­li ka­da-ka­nun­lar hem-de ýur­duň Esa­sy ka­nu­ny Im­pe­ra­to­ryň ömür­lik tagt­da gal­ma­ly­dy­gy­ny tas­syk­la­ýar, em­ma ka­da­dan çyk­ma hök­mün­de Aki­hi­to­nyň ha­ýy­şy ýe­ri­ne ýe­ti­ril­di.
Mi­ras­dü­şer şa­za­da Na­ru­hi­to 1960-njy ýy­lyň 23-nji few­ra­lyn­da To­kio­da dün­ýä in­ýär. Şa­za­da ça­ga­ly­gyn­dan aý­dym-saz, ten­nis, ga­ýa dyr­maş­mak, at mün­mek we beýs­bol bi­len gy­zyk­lan­ýar. Ol 1983-86-njy ýyl­lar ara­ly­gyn­da Oks­ford uni­wer­si­te­ti­niň ýa­nyn­da­ky Mer­ton kol­le­jin­de oka­ýar. 1988-nji ýyl­da Ga­kus­ýu­in uni­wer­si­te­ti ta­ra­pyn­dan ber­len ta­ryh ylym­la­ry­nyň ma­gist­ri di­ýen yl­my de­re­jä eýe bol­ýar. Na­ru­hi­to suw ekoul­ga­my­nyň me­se­le­le­ri­ne aý­ra­tyn üns ber­ýär we köp­lenç bu mow­zuk­da­ky yl­my iş­le­ri bi­len ta­nal­ýar. 1993-nji ýyl­da mi­ras­dü­şer şa­za­da ozal­ky dip­lo­mat, BMG-niň Hal­ka­ra ka­zy­ýe­ti­niň baş­ly­gy­nyň gy­zy Ma­sa­ko Owa­da öý­len­ýär. Na­ru­hi­to­nyň aýa­ly ça­ga­ly­gy­ny Mosk­wa­da ge­çi­rip, Be­ýik Bri­ta­ni­ýa­da we ABŞ-da bi­lim al­ýar. 2001-nji ýyl­da ola­ryň gy­zy – Aý­ko dün­ýä in­ýär.

Gyzykly bolup bilerЕЩЕ ОТ АВТОРА