Şu ýy­lyň iýun aýy­nyň 17-22-si ara­ly­gyn­da Ame­ri­ka­nyň Bir­le­şen Ştat­la­ry­nyň Os­we­go şä­he­rin­dä­ki Nýu-Ýork döw­let uni­wer­si­te­tin­de “GE­NI­US OLYM­PI­AD-2019” atly daş­ky gur­şaw bo­ýun­ça hal­ka­ra tas­la­ma bäs­le­şi­gi­niň jem­leý­ji tap­gy­ry ge­çi­ril­di. Bu hal­ka­ra ýa­ry­şa ýur­du­my­zyň ze­hin­li mekdep okuw­çy­la­ry we ýol­baş­çy mu­gal­lym­la­r gat­naş­dylar.
Ge­ni­us – gys­gal­dy­lan adal­ga bo­lup, “Glo­bal daş­ky gur­şaw me­se­le­ler we biz” diý­mek­li­gi aň­lad­ýar. Bu hal­ka­ra olim­pi­a­da Ter­ra Ylym we bi­lim gu­ra­ma­sy ta­ra­pyn­dan döredilip, te­bi­gy ha­dy­sa­la­ra dü­şün­mek we dur­nuk­ly ösü­şiň sep­git­le­ri­ne iň mö­hüm ugur­la­ryň üs­ti bi­len ba­dal­ga ber­mä­ge go­şant goş­ýar.
Hal­ka­ra olim­pi­a­da ta­kyk-te­bi­gy ylym, teh­no­lo­gi­ýa, sun­gat, çe­per dö­re­di­ji­lik, in­že­ner­çi­lik, di­zaýn we işe­wür­lik ugur­la­ry bo­ýun­ça ge­çi­ri­ldi. Oňa dün­ýäniň 80-e go­laý döw­let­in­den 1400 okuw­çy gat­na­şyp, olardan 1280-si jem­leý­ji tap­gy­r­da ýe­ňi­ji bol­ma­gy ba­şar­dy­lar. Le­bap we­la­ýa­ty­nyň Türk­me­na­bat şä­he­rin­dä­ki ýö­ri­te­leş­di­ri­len 41-nji or­ta mek­de­bi­ň fi­zi­ka mu­gal­ly­my Toý­ly Gur­ba­no­wyň ýol­baş­çy­ly­gyn­da türk­me­nis­tan­ly to­par je­mi 3 bü­rünç me­dal, 4 sa­ny hö­wes­len­di­ri­ji baý­rak we ser­ti­fi­kat­lar bi­len sy­lag­la­nyl­dy.
Aý­ra­tyn ze­hin­li ça­ga­la­ryň Sa­par­my­rat Türk­men­ba­şy adyn­da­ky Döw­let mek­dep-in­ter­na­ty­nyň 11-nji synp okuw­çy­sy Ger­çek Ba­ty­row ýan­gyn­dan we um­man he­lä­kçi­ligin­den ha­las ed­ýän “V-EX” at­ly ro­bot tas­la­ma­sy bi­len çy­kyş et­di.
Le­bap we­la­ýa­ty­nyň Türk­me­na­bat şä­he­rin­dä­ki ýö­ri­te­leş­di­ri­len 41-nji or­ta mek­de­bi­ň 9-njy synp okuw­çy­sy Is­lam Mu­ha­med­ja­now fi­zi­ka­dan “COM­BI­NED SO­LAR DIS­TIL­LER” at­ly suw aras­sa­laý­jy des­ga­sy­ny ta­nyş­dyr­dy. Gi­je-gün­diz iş­le­ýän bu en­jam ir­den gü­neş pa­nel­le­ri ar­ka­ly, gi­je bol­sa ýö­ri­te ge­ne­ra­tor­lardan güýç alyp, ýe­ri­ne ýe­tir­ýän we­zi­pe­si ne­bit-gaz kän­le­rin­de iş­le­ýän iş­gär­le­ri aras­sa agyz suwy bi­len üp­jün et­mek­den yba­rat.
Aş­ga­bat şä­he­ri­ndäki dil ders­le­ri­niň çuň­laş­dy­ryp öw­re­dil­ýän ýö­ri­te­leş­di­ri­len 97-nji or­ta mek­de­bi­niň 10-njy synp okuw­çy­sy Ah­met Ama­nowyň “TEL­PEXRO­BOT” atly ro­bo­ty ji­sim­le­ri we adam­la­ry uly ýan­gyn we suw al­mak ha­dy­sa­la­ry ýüze çykanda ug­ruk­dy­ry­jy ar­ka­ly tiz kö­mek be­rip, ýa­kyndaky has­sa­ha­na alyp gid­ýär. Ady­bir mek­de­biň bio­lo­gi­ýa mu­gal­ly­my Ber­di­my­rat Ýaz­ha­now bi­len hi­mi­ýa mu­gal­ly­my Ata­my­rat Şa­ha­no­wyň ug­ruk­dyr­ma­gy esa­syn­da ýasalan bu ro­bot bäs­le­şi­giň saý­la­nan bö­lü­mi­ne my­na­syp gö­rlüp, Ahmet Amanowa uni­wer­si­te­tiň teh­no­lo­gi­ýa­lar fa­kul­te­tin­de oka­ma­ga ça­ky­lyk be­ril­di.
Şeýle hem ýurdumyzyň mekdep okuw­çylarynyň 4-si Indoneziýanyň Denpasar şäherinde geçirilen “Halkara ylym we taslama 2019“ bäsleşigine gatnaşyp, altyn medala mynasyp boldular.

Aý­je­mal GUR­BA­NO­WA,
Hal­ka­ra yn­san­per­wer ylym­la­ry we ösüş
uni­wer­si­te­ti­niň žur­na­lis­ti­ka hü­nä­ri­niň ta­ly­by.

Gyzykly bolup bilerЕЩЕ ОТ АВТОРА