Ber­ka­rar döw­le­ti­mi­ziň bag­ty­ýar­lyk döw­rün­de ýur­du­my­zyň yl­my-teh­ni­ki, in­no­wa­si­on sy­ýa­sa­ty­ny ýaý­baň­lan­dyr­mak, bäs­le­şi­ge ukyp­ly, ma­te­ri­al we ener­gi­ýa tyg­şyt­laý­jy, eko­lo­gi­ýa taý­dan howp­suz ýo­ka­ry teh­no­lo­gi­ýa­la­ry we in­no­wa­si­ýa­la­ry dö­ret­mek we önüm­çi­li­ge or­naş­dyr­mak, ylym ul­ga­my bi­len ýur­du­my­zyň yk­dy­sa­dy­ýe­ti­niň pu­dak­la­ry­nyň ara­bag­la­ny­şy­gy­ny ber­kit­mek hor­mat­ly Pre­zi­den­ti­mi­ziň öň­den­gö­rü­ji­lik­li döw­let sy­ýa­sa­ty­nyň baş ugur­la­ry­nyň bi­ri­dir.
Mil­li Li­de­ri­miz: “Yl­my-teh­ni­ki ösü­şiň be­lent­li­ge gal­ýan döw­rün­de – XXI asyr­da biz yl­ma da­ýan­mak, ýo­ka­ry teh­no­lo­gi­ýa­ly önüm­çi­lik­le­ri dö­ret­mek we mil­le­ti­mi­ziň aň-bi­lim de­re­je­si­ni has-da ýo­kar­lan­dyr­mak ar­ka­ly Türk­me­nis­ta­ny dur­nuk­ly ösüş­le­riň ýo­ly bi­len öňe alyp bar­ýa­rys” di­ýip, örän jaý­dar bel­le­ýär. Mil­li Li­de­ri­miz Türk­me­nis­ta­nyň Mi­nistr­ler Ka­bi­ne­ti­niň 15-nji iýul­da 2016-njy ýy­lyň bi­rin­ji ýa­ry­my­nyň jem­le­ri­ne ba­gyş­la­nan mej­li­sin­de uly we­zi­pe­le­ri ama­la aşyr­mak­da no­bat­da­ky aý­gyt­ly ädim­le­riň ädi­len­di­gi­ni buý­sanç bi­len aýt­dy. Düýp­li öz­gert­me­le­riň esa­sy mak­sa­da ýet­mä­ge – ýur­du­my­zy dün­ýä­niň güýç­li hem-de adam­la­ryň eş­ret­li we aba­dan dur­muş­da ýa­şa­ma­gy­na gö­nük­di­ri­len yk­dy­sa­dy­ýe­ti bo­lan ösen de­mok­ra­tik döw­let­le­riň de­re­je­si­ne çy­kar­ma­ga gö­nük­di­ri­len­di­gi­ni bel­läp geç­di.
Mej­lis­de döw­let Baş­tu­ta­ny­my­zyň ýur­du­myz­da ýe­til­ýän her bir ýo­ka­ry üs­tün­li­giň yl­ma da­ýan­mak, ýo­ka­ry teh­no­lo­gi­ýa­la­ry önüm­çi­li­ge or­naş­dyr­mak ar­ka­ly ga­za­nyl­ýan­dy­gy­ny be­ýan et­di. Şu ýer­de mäh­ri­ban Ar­ka­da­gy­my­zyň gi­ňiş­le­ýin mej­lis­de eden çy­ky­şyn­dan kä­bir mag­lu­mat­la­ra oky­jy­la­ry­my­zyň ün­sü­ni çe­ke­si­miz gel­ýär: “Umu­man hä­zir­ki wagt­da Türk­me­nis­tan­da je­mi ba­ha­sy 50 mil­liard ame­ri­kan dol­la­ryn­dan hem ýo­ka­ry bo­lan 2 mü­ňe go­laý iri des­ga­nyň gur­lu­şy­gy al­nyp ba­ryl­ýar. Ge­çen ýa­rym ýy­lyň do­wa­myn­da biz 59 des­ga­ny işe gi­riz­dik. Meý­da­ny 713 müň ine­dör­dül metr bo­lan ýa­şa­ýyş jaý­la­ry­ny ulan­ma­ga ber­dik. Işe gi­ri­zi­len bu des­ga­lar­da köp san­ly tä­ze iş orun­la­ry dö­re­dil­di”.
Ha­wa, äh­li ösüş­le­riň yl­ma da­ýan­ýan­dy­gy, ylym öz­gert­me­le­ri­niň Wa­ta­ny­my­zyň yk­dy­sa­dy kuw­wa­ty­nyň pug­ta­lan­ma­gyn­da bin­ýat bo­lup dur­ýan­dy­gy mä­lim ha­ky­kat­dyr. Şo­nuň üçin hor­mat­ly Pre­zi­den­ti­miz he­mi­şe ýur­du­my­zyň her bir ug­ru­ny yl­my öz­gert­me­le­re eýe et­mek, ýaş­la­ryň öz kä­rin­den ýe­ter­lik baş çy­kar­ýan, dün­ýä yl­myn­dan ha­bar­ly, kä­mil şah­sy­ýet­ler bo­lup ýe­tiş­mek­le­ri üçin gi­je-gün­diz ala­da­lan­ýar.
Bil­şi­miz ýa­ly, hä­zir­ki za­man dün­ýä­sin­de bi­li­mi, yl­my we se­na­ga­ty bir­leş­dir­ýän Teh­no­lo­gi­ýa mer­kez­le­ri mil­li in­no­wa­si­on ul­gam­la­ryň iň wa­jyp inf­rast­ruk­tu­ra pu­da­gy ha­sap­lan­ýar. Şu mak­sa­da esas­lan­mak ar­ka­ly hor­mat­ly Pre­zi­den­ti­miz 2014-nji ýy­lyň 6-njy iýu­nyn­da ýur­du­myz­da “Teh­no­lo­gi­ýa­lar mer­ke­zi­ni dö­ret­mek ha­kyn­da” Per­mana gol çek­di. Bu mö­hüm çöz­güt ýur­du­my­zyň ylym­la­ryň ak ýo­lun­da gel­je­gi na­zar­la­ýan­dy­gy­ny no­bat­da­ky sa­par äle­me aýan et­di.
Ýo­ka­ry teh­no­lo­gi­ýa­la­ryň we ösen teh­no­lo­gi­ýa­ly kom­pa­ni­ýa­la­ryň ösü­şi­ni ýaý­baň­lan­dyr­mak, öň­de­ba­ry­jy yl­my tas­la­ma­la­ry saý­la­mak işi­ni ama­la aşyr­mak, göz­leg­le­riň ne­ti­je­le­ri esa­syn­da, yl­my we teh­no­lo­gi­k ösüş­le­riň ba­za­ra ara­laş­ma­gy­na giň müm­kin­çi­lik dö­ret­mek ýa­ly we­zi­pe­ler Teh­no­lo­gi­ýa mer­ke­zi­niň ama­la aşyr­ýan esa­sy işi­dir. Mer­kez iş bi­len üp­jün edi­li­şiň ka­da­laş­dy­ry­ly­şy we mil­li se­na­gat­la­ryň tä­ze teh­no­lo­gi­ýa­la­ra ge­çi­şi ýa­ly ugur­lar­da wa­jyp me­se­le­le­ri çöz­mä­ge ýar­dam ed­ýär.
Mi­nistr­ler Ka­bi­ne­ti­niň gi­ňel­di­len mej­li­sin­de ýur­du­my­zyň yl­my bin­ýa­dy­nyň üs­ti ýe­ne-de bir aý­dyň çöz­güt bi­len ýe­ti­ril­di. Mej­lis­de hor­mat­ly Pre­zi­den­ti­miz “Oguz­han adyn­da­ky Türk­me­nis­ta­nyň in­že­ner-teh­no­lo­gi­ýa­lar uni­wer­si­te­ti­ni dö­ret­mek ha­kyn­da” Per­ma­na gol çek­di. Res­mi­na­ma la­ýyk­lyk­da tä­ze ýo­ka­ry okuw mek­de­bi üýt­ge­di­len Hal­ka­ra türk­men-türk uni­wer­si­te­ti­niň mi­ras­dü­şe­ri bo­lup, ýur­du­my­zyň Ylym­lar aka­de­mi­ýa­sy­nyň ga­ra­ma­gy­na be­ril­di. Bu çöz­güt mil­li Li­de­ri­mi­ziň: “Ylym bi­ziň äh­li ösüş­le­ri­mi­ziň ba­dal­ga­sy­dyr, eş­ret­li we bag­ty­ýar dur­mu­şy­my­zyň göz­ba­şy­dyr” di­ýen pa­ra­sat­ly söz­le­ri­niň gün-gün­den dur­muş­da öz be­ýa­ny­ny tap­ýan­dy­gy­ny ala­mat­lan­dyr­ýar.
Türkmenistanyň Oguz­han adyn­da­ky in­že­ner-teh­no­lo­gi­ýa­lar uni­wer­si­te­ti­niň dö­re­dil­me­gi ýur­du­myz­da mun­dan beý­läk hem ylym we bi­lim ul­gam­la­ry­ny ös­dür­mä­ge giň­den ýar­dam eder. Dün­ýä ül­ňü­le­ri­ne ky­bap­daş­lykda bi­lim ber­mä­ge eýe bo­lan ýo­ka­ry okuw mek­de­bin­de ýur­du­my­zyň bag­ty­ýar ýaş­la­ry hi­mi­ýa we bio­teh­no­lo­gi­ýa­lar, me­tal­lur­gi­ýa, ma­şyn­gur­lu­şyk we me­tal­la­ry iş­le­mek, na­no­teh­no­lo­gi­ýa­lar we na­no­ma­te­ri­al­lar, te­bi­gy ylym­lar, in­for­ma­ti­ka we ha­sap­la­ýyş teh­ni­ka­sy, aw­to­mat­laş­dyr­mak we do­lan­dyr­mak, elekt­ro­ni­ka, ra­dio­teh­ni­ka we ara­gat­na­şyk ul­gam­la­ry ýa­ly ugur­lar bo­ýun­ça bi­lim alar­lar. Bu ugur­lar gel­jek­de in­no­wa­si­ýa­la­ry we öň­de­ba­ry­jy teh­no­lo­gi­ýa­la­ry dur­mu­şa giň­den or­naş­dyr­ma­ga, dür­li ul­gam­lar­da yl­my-bar­lag­la­ry alyp bar­ma­ga, yk­dy­sa­dy­ýe­tiň pu­dak­la­ry bi­len yl­myň ara­bag­la­ny­şy­gy­ny pug­ta­lan­dyr­ma­ga gö­nük­di­ri­len yl­my-teh­ni­ki iş­le­ri dur­mu­şa ge­çir­mä­ge oňyn ýar­dam eder.

Şa­se­nem HE­KI­MO­WA,
Türk­me­nis­ta­nyň Ylym­lar aka­de­mi­ýa­sy­nyň Mag­tym­gu­ly adyn­da­ky Dil we ede­bi­ýat ins­ti­tu­ty­nyň yl­my iş­gä­ri.

Gyzykly bolup bilerЕЩЕ ОТ АВТОРА