Hormatly Prezidentimiziň baştutanlygynda ýurdumyzyň syýahatçylyk ulgamyny ösdürmek boýunça uly işler alnyp barylýar. Bu ugra hususy pudagyň wekilleri hem işjeň çekilip, ýurdumyzyň syýahatçylyk mümkinçilikleriniň dünýä jemgyýetçiligine giňden wagyz edilmegi babatda hem degişli işler ýola goýuldy.

Ge­çen ýy­lyň do­wa­myn­da dün­ýä­niň dür­li ýurt­la­ryn­da­ky köp san­ly sy­ýa­hat­çy­lyk ug­ry bi­len bag­la­ny­şyk­ly hal­ka­ra fo­rum­la­ry­na gat­na­şan türk­men sy­ýa­hat­çy­lyk kär­ha­na­la­ry 2020-nji ýyl­da-da bu ugur­da­ky iş­le­ri­ni ne­ti­je­li do­wam et­dir­ýär­ler. Şu ýy­lyň 16-19-njy ýan­wa­ry ara­ly­gyn­da Awst­ri­ýa­nyň We­na şä­he­rin­de “Fe­ri­en-Mes­se Vien­na 2020” at­ly hal­ka­ra sy­ýa­hat­çy­lyk ýar­mar­ka­sy ge­çi­ri­ler. Bu iri fo­ru­myň işi­ne türk­men we­ki­li­ýe­ti­niň hem gat­naş­ma­gy göz öňün­de tu­tul­ýar. Bu çä­re äh­lu­mu­my sy­ýa­hat­çy­lyk ul­ga­my­nyň ös­dü­ril­me­gi­ne gö­nük­di­ri­len uly fo­rum­la­ryň bi­ri ha­sap­lan­ýar. Bu ýer­de sy­ýa­hat­çy­lyk we dynç alyş ul­ga­my­nyň ýe­ten sep­git­le­ri we bu ugur­da­ky dür­li tä­ze­çil tek­lip­le­ri ba­ra­da gy­zyk­ly mag­lu­mat al­ma­ga müm­kin­çi­lik dö­re­di­ler. Iri fo­ru­myň işi­ne dün­ýä­niň 80-den gow­rak ýur­dun­dan 800-e go­laý we­ki­li­ýe­tiň gat­naş­ma­gy­na ga­ra­şyl­ýar.
Şeý­le iri fo­rum­la­ra gat­naş­ýan türk­men we­ki­li­ýet­le­ri Be­ýik Ýü­pek ýo­lu­nyň ýü­re­gi ha­sap­lan­ýan ýur­du­my­zyň ta­ry­hy we me­de­ni gym­mat­lyk­la­ry, Köý­ten­da­gyň aja­ýyp dag etek­le­ri, Ha­zar deň­zi­niň ke­na­ryn­da­ky “Awa­za” mil­li sy­ýa­hat­çy­lyk zo­la­gy­nyň aja­ýyp­lyk­la­ry bi­len ta­nyş­dyr­mak müm­kin­çi­li­gi­ne eýe bol­ýar­lar.
Go­laý­da Ame­ri­ka­nyň we Awst­ra­li­ýa­nyň bi­le­lik­dä­ki “Lo­ne­ly Pla­net” ne­şi­ri ýy­lyň sy­ýa­hat­çy­lyk se­bi­ti hök­mün­de Mer­ke­zi Azi­ýa­ny saý­la­dy. Bu ne­şir her bir ja­han­keş­dä Mer­ke­zi Azi­ýa ýurt­la­ry­na – Türk­me­nis­ta­na, Öz­be­gis­ta­na, Tä­ji­gis­ta­na, Gyr­gyz Res­pub­li­ka­sy­na we Ga­za­gys­ta­na iş­jeň sy­ýa­hat et­me­gi mas­la­hat ber­ýär. Bu ba­ra­da ne­şi­riň 2020-nji ýylda sy­ýa­hat üçin iň go­wy ýer­ler (“Best in Travel 2020”) reý­tin­gin­de bel­le­nip ge­çil­ýär.
– Bu se­bit bir dö­wür­ler söw­da­nyň hem-de ja­han­keş­de­li­giň me­ka­ny bo­lup­dyr. Hä­zir hem tä­ze­den dün­ýä jem­gy­ýet­çi­liginiň üns mer­ke­zi­ne öw­rül­di. Ga­dy­my şä­her­ler, uly şow­hun­ly ba­zar­lar, Mer­ke­zi Azi­ýa­nyň ýa­ba­ny land­şaf­ty üýt­ge­şik baş­dan ge­çir­me­le­riň göz­le­gin­de bo­lan sy­ýa­hat­çy­la­ry özü­ne çek­ýär. Ulag we inf­rast­ruk­tu­ra ul­ga­myn­da öz­leş­di­ri­len um­ma­syz möç­ber­dä­ki ma­ýa go­ýum­lar hä­zir­ki za­man Beýik Ýü­pek ýo­lu­na sy­ýa­hat et­mek üçin örän oňaýly şertleri döretdi – diý­lip ne­şir­de bel­le­nip ge­çil­ýär. Bu ýagdaý, ýur­du­my­zyň äh­li kün­jek­le­rin­de bar bo­lan taryhy ýadygärliklere we täsin tebigy gözelliklere ar­heo­logla­ryň we sy­ýa­hat­çy­la­ryň ägirt uly gy­zyk­lan­ma­sy­ny dö­red­ýär.
Hä­zir­ki wagt­da sy­ýa­hat­çy­lyk ýur­du­my­zyň yk­dy­sa­dy­ýe­ti­niň dü­şe­wünt­li pu­dak­la­ry­nyň bi­ri­ne öw­rül­ýär. Ýur­du­myz­da sy­ýa­hat­çy­ly­gy ös­dür­mek­de, il­kin­ji no­bat­da, ja­han­keş­de­le­re edil­ýän hyz­ma­tyň hi­li­ne we de­re­je­si­ne aý­ra­tyn äh­mi­ýet be­ril­ýär. Bu ugur­da ýur­du­myz­da sy­ýa­hat­çy­la­ryň is­leg­le­ri­ni ka­na­gat­lan­dy­ryp bil­jek dün­ýä de­re­je­si­ne la­ýyk gel­ýän myh­man­ha­na­la­ryň üs­ti ýe­ti­ril­ýär. Sy­ýa­hat­çy­lyk ul­ga­myn­da öz hü­nä­ri­ne ök­de, tej­ri­be­li hü­när­men­ler, ýol­be­let­ler, ter­jime­çi­ler taý­ýar­la­nyl­ýar. Hor­mat­ly Pre­zi­den­ti­mi­ziň taý­syz ta­gal­la­la­ry ne­ti­je­sin­de, hal­ka­ra sy­ýa­hat­çy­ly­gy güýç­li dep­gin­de ös­dü­ril­ýär. Mil­li Li­de­ri­mi­ziň gol­da­wy ne­ti­je­sin­de ga­dy­my Nu­sa­ýa, Mer­we, Kö­ne­ür­gen­je, Kö­pet­da­gyň, Köý­ten­da­gyň we Ga­ra­gum säh­ra­sy­nyň öz­bo­luş­ly aja­ýyp ýer­le­ri­ne sy­ýa­hat­çy­lyk ugur­la­ry açyl­ýar.
Umu­man, ýur­du­myz­da tä­ze sy­ýa­hat­çy­lyk ugur­la­ry­nyň açyl­ma­gy, da­şa­ry ýurt ja­han­keş­de­le­riniň tä­ze aky­my­nyň gel­me­gine müm­kin­çi­lik ber­ýär. Türk­me­niň baý mil­li mi­ra­sy­ny, ga­dy­my ýa­dy­gär­lik­le­ri­ni, tä­sin te­bi­gy baý­lyk­la­ry­ny dün­ýä ýaý­ma­ga, ýur­du­my­zyň hal­ka­ra ab­ra­ýy­ny be­len­de gal­dyr­ma­ga, dün­ýä­niň sy­ýa­hat­çy­lyk ba­za­ryn­da mö­hüm or­ny eýe­lemä­ge do­ly müm­kin­çi­lik­ler dö­re­dil­ýär.
Sy­ýa­hat­çy­lyk pu­da­gy­nyň ös­dü­ril­me­gi­ne ýur­du­my­zyň hu­su­sy­ýet­çi­le­ri hem iş­jeň gat­naş­ýar­lar. Mil­li Li­de­ri­mi­ziň taý­syz ta­gal­la­la­ry ne­ti­je­sin­de, Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň ga­ra­ma­gyn­da sy­ýa­hat­çy­lyk kär­ha­na­sy dö­re­dil­di. Dö­re­di­len sy­ýa­hat­çy­lyk kär­ha­na­sy da­şa­ry ýurt­la­ryň ugur­daş eda­ra­la­ry bi­len hyz­mat­daş­lyk ba­ra­da yla­la­şyk­la­ry bag­la­şyp, olar bi­len hyz­mat­daş­lyk gat­na­şyk­la­ry­ny iş­jeň­leş­dir­ýär.

Mak­sat JU­MA­ÝEW,
S. A. Ny­ýa­zow adyn­da­ky TO­HU-nyň mu­gal­ly­my.

Gyzykly bolup bilerЕЩЕ ОТ АВТОРА