Hormatly Prezidentimiziň parasatly baştutanlygynda ýurdumyz sebitde we dünýäde parahatçylygy, howpsuzlygy berkitmek hem-de
durnukly ösüşi gazanmak babatyndaky tagallalary bilen netijeli daşary syýasaty durmuşa geçirýär. Ýurdumyzyň daşary syýasatynyň özenini 1995-nji ýylyň 12-nji dekabrynda Birleşen Milletler Guramasynyň Baş Assambleýasy tarapyndan ykrar edilen hemişelik Bitaraplyk hukuk ýagdaýy düzýär.

Mä­lim bol­şy ýa­ly, ýur­du­my­zyň dün­ýä jem­gy­ýet­çi­li­gi ta­ra­pyn­dan uly gol­da­wa eýe bo­lan he­mi­şe­lik Bi­taraplyk hukuk ýagdaýy 2015-nji ýylyň 3-nji iýunynda Birleşen Milletler Gu­ra­ma­sy ta­ra­pyn­dan ýö­ri­te Re­zol­ýu­si­ýa ar­ka­ly ýe­ne bir ge­zek tas­syk­la­nyl­dy. Mu­nuň özi dün­ýä gi­ňiş­li­gin­de uly ab­ra­ýa eýe bo­lan Wa­ta­ny­my­zyň se­bit­de we dün­ýä­de pa­ra­hat­çy­ly­gy, howp­suz­ly­gy hem-de dur­nuk­ly ösü­şi üp­jün et­mä­ge goş­ýan go­şan­dy­nyň no­bat­da­ky yk­rar­na­ma­sy bol­dy. Se­bit­de we dün­ýä­de pa­ra­hat­çy­ly­gy üp­jün et­mek, dur­nuk­ly ösü­şi ga­zan­mak ýa­ly ugur­la­ra iş­jeň gat­naş­ýan Türk­me­nis­tan döw­le­ti­miz özü­niň dün­ýä gi­ňiş­li­gin­dä­ki ab­ra­ýy­ny has-da pug­ta­lan­dyr­mak mak­sa­dy bi­len yzy­gi­der­li ýag­daý­da hal­ka­ra şert­na­ma­la­ry­na we kon­wen­si­ýa­la­ry­na go­şu­lyp gel­ýär. 2020-nji ýy­lyň do­wa­myn­da hem ýur­du­myz bir­nä­çe ugur­lar­da hal­ka­ra şert­na­ma­la­ry­na go­şul­ma­gy me­ýil­leş­dir­ýär. Esa­san hem, yk­dy­sa­dy, ulag, daş­ky gur­şa­wy go­ra­mak, me­de­ni-yn­san­per­wer we in­tel­lek­tu­al eýe­çi­lik ýa­ly ugur­la­ry gur­şap alar.

Hor­mat­ly Pre­zi­den­ti­miz dün­ýä­de hem-de se­bit­de dur­nuk­ly yk­dy­sa­dy ösü­şiň ga­za­nyl­ma­gy ba­bat­da der­wa­ýys baş­lan­gyç­la­ry öňe sür­ýär hem-de bu ba­bat­da iri tas­la­ma­la­ryň dur­mu­şa ge­çi­ril­me­gi­ne uly äh­mi­ýet ber­ýär. Hä­zir­ki wagt­da Türk­me­nis­tan bi­len dün­ýä­niň äh­li döw­let­le­ri­niň ara­syn­da öza­ra bäh­bit­li yk­dy­sa­dy hem-de söw­da gat­na­şyk­la­rynyň ýo­la go­ýul­ma­gy ba­bat­ynda uly ta­gal­la­lar edil­ýär. Bu ugur­da hyz­mat­daş­ly­gyň hu­kuk bin­ýa­dy­nyň ber­ki­dil­me­gi ug­run­da hem de­giş­li iş­ler al­nyp ba­ryl­ýar. Hor­mat­ly Pre­zi­den­ti­mi­ziň baş­tu­tan­ly­gyn­da ýur­du­myz yk­dy­sa­dy ugur bo­ýun­ça Ara­çy­ly­gyň esa­syn­da ga­za­ny­lan hal­ka­ra ýa­ra­şyk yla­la­şyk­la­ry ha­kyn­da Bir­le­şen Mil­let­ler Gu­ra­ma­sy­nyň Kon­wen­si­ýa­sy­na go­şul­ma­gy göz öňün­de tut­ýar. Bu res­mi­na­ma söw­da je­del­le­ri­ni çöz­me­giň tä­sir­li usu­ly hök­mün­de ara­çy­ly­ga ýar­dam ber­me­giň gu­ra­ly bo­lup dur­ýar.

Mil­li Li­de­ri­mi­ziň soň­ky ýyl­lar­da uly äh­mi­ýet ber­ýän ugur­la­rynyň ha­ta­ryn­da ulag ul­ga­my­ny gör­kez­mek bo­lar. Döw­let Baş­tu­ta­ny­my­zyň dün­ýä döw­let­le­ri­niň ta­gal­la­la­ry­ny bir­leş­dir­mek bi­len ulag me­se­le­le­ri­niň ne­ti­je­li çö­zül­me­gi­ne gö­nük­di­ri­len sy­ýa­sy baş­lan­gyç­la­ry­nyň äh­mi­ýe­ti yzy­gi­der­li art­ýar. Ýur­du­myz bi­len stra­te­gik hä­si­ýe­te eýe bo­lan BMG hyz­mat­daş­ly­gy­nyň ne­ti­je­sin­de, hal­ka­ra ulag dip­lo­ma­ti­ýa­sy ne­ti­je­li ös­dü­ril­ýär. Mu­nuň ne­ti­je­sin­de, dün­ýä­niň dür­li kün­je­gi­ne uza­ýan, dost-do­gan­lyk gat­na­şyk­la­ry­ny has-da pug­ta­lan­dyr­ýan hal­ka­ra aw­tou­lag, ho­wa, de­ňiz-der­ýa we de­mir ýol­la­ry gur­lup, ula­nyl­ma­ga be­ril­ýär, tä­ze mul­ti­mo­dal ulag ge­çel­ge­le­ri dö­re­dil­ýär. Ulag ul­ga­myn­da ga­za­nyl­ýan şeý­le üs­tün­lik­le­riň döw­rün­de ulag ug­ry bo­ýun­ça Hal­ka­ra aw­to­mo­bil baş ýol­lar ha­kyn­da Ýew­ro­pa yla­la­şy­gy­na go­şul­mak me­ýil­leş­di­ril­ýär. Bu res­mi­na­ma Bir­le­şen Mil­let­ler Gu­ra­ma­sy­nyň Ýew­ro­pa yk­dy­sa­dy ko­mis­si­ýa­sy­nyň işi al­nyp ba­ryl­ýan se­bit­de hal­ka­ra ýol ul­ga­my­nyň dö­re­dil­me­gi­ni göz öňün­de tut­ýar.

Türk­me­nis­tan döw­le­ti­miz­de daş­ky gur­şa­wy go­ra­mak, te­bi­gy se­riş­de­le­re aýaw­ly çe­me­leş­mek we ola­ry gel­jek ne­sil­le­re ýe­tir­mek ug­run­da eko­lo­gi­ýa dip­lo­ma­ti­ýa­sy al­nyp ba­ryl­ýar. Mil­li Li­de­ri­mi­ziň baş­tu­tan­ly­gyn­da eko­lo­gi­ýa dip­lo­ma­ti­ýa­sy mil­li we hal­ka­ra de­re­je­sin­de uly ab­ra­ýa eýe bol­dy. Bu ugur­da BMG-niň köp san­ly yla­la­şyk­la­ry­na we kon­wen­si­ýa­la­ry­na go­şu­lan ýur­du­myz ýe­ne-de dur­nuk­ly or­ga­ni­ki ha­pa­laý­jy­lar ha­kyn­da Stok­golm kon­wen­si­ýa­sy­na go­şul­ma­gy me­ýil­leş­dir­ýär. Ol hem dur­nuk­ly zä­her­li mad­da­la­ryň – or­ga­ni­ki pes­ti­sid­le­riň ula­nyl­ma­gy­ny bes et­me­gi göz öňün­de tut­ýar.

Umu­man, hä­zir­ki wagt­da ýur­du­myz köp­ta­rap­la­ýyn hal­ka­ra res­mi­na­ma­la­ry­nyň 152-si­ne gat­naş­ýar. Şo­la­ryň ara­syn­da Bir­le­şen Mil­let­ler Gu­ra­ma­sy hem-de onuň ýö­ri­te­leş­di­ri­len eda­ra­la­ry ta­ra­pyn­dan ka­bul edi­len Kon­wen­si­ýa­la­ryň 133-si bar. Türk­me­nis­tan döw­le­ti­mi­ziň go­şu­lyş­ýan hal­ka­ra şert­na­ma­la­ry­nyň üs­tü­niň yzy­gi­der­li ýe­ti­ril­me­gi, Wa­ta­ny­my­zyň hal­ka­ra ab­ra­ýy­ny has-da be­len­de gal­dy­rar.

Hal­ka­ra hyz­mat­daş­ly­gyň mun­dan beý­läk-de pug­ta­lan­dy­ryl­ma­gy ýur­du­my­zyň da­şa­ry sy­ýa­sy stra­te­gi­ýa­sy­na la­ýyk gelýär. Mil­li Li­de­ri­mi­ziň baş­lan­gy­jy esa­syn­da de­kabr aýyn­da türk­men Bi­ta­rap­ly­gy­na ba­gyş­la­nan hal­ka­ra mas­la­ha­tyň ge­çi­ril­me­gi hem-de ýur­du­my­zyň hal­ka­ra kon­wen­si­ýa­la­rynyň bir­nä­çe­si­ne go­şul­ma­gy, şu ýylyň “Türkmenistan – Bita­rap­ly­gyň me­ka­ny” diý­lip at­lan­dy­ryl­ma­gy­nyň uly üs­tün­lik­le­re bes­len­jek­di­gi­niň aý­dyň su­but­na­ma­sy­dyr.

Ogul­ny­ýaz BA­BA­ÝE­WA,

S. A. Ny­ýa­zow adyn­da­ky TO­HU-nyň mu­gal­ly­my.

Gyzykly bolup bilerЕЩЕ ОТ АВТОРА