Ibe­ren-ge­ti­ren sag bol­sun.

Salam ibermek-getirmek, hat-habar alyşmak, ir döwürlerden bäri dowam edip gelýän dürli ugur-tärli aragatnaşyk serişdesi bolup, bu möhüm işi ýerine ýetirmekde çaparçylyk sungatyna uly orun degişli bolupdyr. Bu hakykat, şeýle hem, hat-pet gatnatmagyň sogaply işdigi, diňe bir taryhy çeşmelerde däl, eýsem, atalar sözinde we ýazyjy-şahyrlaryň eserlerinde hem öz beýanyny tapypdyr. Muňa “Hoş habary çapar getir, galanyny nesip ýetir”, “Çapary – sogaply, sapary – togaply” ýaly, halk pähimleriniň, ýazyjy Ata Gowşudowyň “Perman” romanyndaky çaparyň keşbiniň, şahyr Allaberdi Haýydowyň Watan öňündäki gulluk borjuny ýerine ýetirip ýören gerçegiň poçta işgärinden söýgüli sonasyndan hatlary getirmegi hem äkitmegi haýyş edýän kalbynyň owazynyň üsti bilenem göz ýetirmek bolýar. Elbetde, şu ýerde Dewid Briniň “Poçtalýon” atly belli eserini, onuň esasynda 1997-nji ýylda döredilen adybir filmi ýatlap geçmek hem artykmaçlyk etmese gerek. Onuň režissýory we baş gahrymany belli aktýor Kewin Kostner bolup, filmde ýeňil bolmadyk günleriň çaparçylyk işinden, çaparlar üçin öte hupbatly, hat-habar alýanlar üçin bolsa, öte şatlykly pursat-wakalary yzarlanylýar.

El­bet­de, wag­tyň geç­me­gi bi­len, gür­rü­ňi­ni ed­ýän ul­ga­my­my­zyň işi bar­ha kä­mil­le­şip­dir. Ne­ti­je­de, ital­ýan di­lin­den ter­ji­me edi­len­de “Du­ral­ga” di­ýen ma­ny­ny ber­ýän poç­ta ara­gat­na­şyk ul­ga­my ke­ma­la ge­lip, her döw­rüň ösü­şi­ne, şert-müm­kin­çi­lik­le­ri­ne la­ýyk­lyk­da öz­ge­rip, şu gün­le­re ge­lip ýe­tip­dir. Ine, bi­ziň zäh­met çek­ýän “Türk­men­poç­ta” poç­ta ara­gat­na­şyk kom­pa­ni­ýa­myz ba­ra­da aýt­sak, ol 1993-nji ýyl­da dö­re­dil­ýär. Şol ýyl hem “Türk­men­poç­ta” poçta aragatnaşyk kompaniýasy bü­tin­dün­ýä poç­ta bir­le­şi­gi­niň ag­za­ly­gy­na ka­bul edi­lip, döw­le­tiň ara­gat­na­şyk ul­ga­my­na de­giş­li ugur­da ara­çy bo­lup çy­kyş ed­ýär. Şo­nuň ne­ti­je­sin­de bol­sa, 190-dan gow­rak ýurt bi­len örän gys­ga wagt­da ýol­la­ma­la­ry ug­rat­ma­ga we ka­bul et­mä­ge müm­kin­çi­lik dö­re­di. 1996-njy ýyl­dan “Türk­men­poç­ta” poç­ta ara­gat­na­şyk kom­pa­ni­ýa­sy ýol­la­ma­la­ry elt­me­gi çalt­lan­dyr­mak mak­sa­dy bi­len, “EMS Express Ma­il Se­rvice” ge­çi­ri­ji­le­ri­ne bir­leş­di­ril­ýär. Bu bol­sa 7 – 10 iş gü­nüniň do­wa­myn­da hat-ha­bar ýol­la­ma­lary Ýer ýü­zü­niň is­len­dik no­ka­dy­na ýe­tir­mek diý­mek­dir.
Dün­ýä ýurt­la­ry­nyň ara­gat­na­şyk eda­ra­la­ry bi­len hyz­mat­daş­lyk et­mek mak­sa­dy bi­len, Türk­me­nis­ta­nyň we bü­tin dün­ýäniň ara­gat­na­şyk ul­ga­my­na de­giş­li bo­lan mar­ka­lar­dan öz­bo­luş­ly top­lum dö­re­dil­di. Ga­raş­syz­lyk ýyl­la­ry için­de “Türk­men­poç­ta” poç­ta ara­gat­na­şyk kom­pa­ni­ýa­sy ara­gat­na­şyk ul­ga­my­na de­giş­li bo­lan mar­ka­la­ryň ýüz­ler­çe­si­ni çy­kar­dy. Olar­da Ga­raş­syz, hemişelik Bi­ta­rap Türk­me­nis­ta­nyň şöh­rat­ly geç­mi­şi we mil­li mi­ra­sy, ta­ry­hy ýa­dy­gär­lik­le­ri, me­de­ni­ýe­ti, sun­ga­ty, türk­men tür­gen­le­ri­niň sport­da ga­zan­ýan üs­tün­lik­le­ri, haý­wa­nat we ösüm­lik dün­ýä­si dür­li öwüş­gin­ler­de öz be­ýa­ny­ny tap­dy. Şeý­le hem, Ga­raş­syz Türk­me­nis­ta­nyň tä­ze ta­ry­hyn­da ga­za­nyl­ýan üs­tün­lik­ler şöh­le­len­ýär.
Haý­sy ugur bol­sa-da, onuň kä­mil­leş­me­gi üçin, ýurt de­re­je­sin­de be­ril­ýän üns-ala­da uly äh­mi­ýe­te eýe bo­lup dur­ýar. Gah­ry­man Ar­ka­da­gy­myz ýur­du­my­zyň äh­li ul­gam­la­ry­nyň döw­re­bap ös­dü­ril­me­gi, türk­men hal­ky­nyň bag­ty­ýar dur­muş­da ýa­şa­ma­gy ba­bat­da uly ta­gal­la ed­ýär. Ara­gat­na­şyk ul­ga­my­nyň hyz­ma­ty­nyň hi­li­niň dün­ýä ül­ňü­le­ri­ne la­ýyk gel­me­gi üçin, Mi­nistr­ler Ka­bi­ne­ti­niň 2018-nji ýy­lyň 30-njy no­ýab­ryn­da ge­çi­ri­len mej­li­sin­de hor­mat­ly Pre­zi­den­ti­mi­ziň “Türk­me­nis­tan­da 2019 – 2025-nji ýyl­lar­da san­ly yk­dy­sa­dy­ýe­ti ös­dür­me­giň Kon­sep­si­ýa­sy­ny tas­syk­la­mak ha­kyn­da” gol çe­ken Ka­ra­ry bi­len, ýur­du­my­zyň yk­dy­sa­dy­ýe­ti­niň in­no­wa­si­on ösü­şi­ne ba­dal­ga be­ril­di. Dün­ýä tej­ri­be­sin­den gör­nü­şi ýa­ly, yk­dy­sa­dy ul­gam­da öňe­gi­diş­lik ga­zan­mak bi­lim­le­ri, inno­wa­si­ýa­la­ry we san­ly mag­lu­mat­la­ry giň­den or­naş­dyr­ýan ýurt­la­ra ba­şard­ýar. Şun­dan ugur al­nyp, Ber­ka­rar döw­le­ti­mi­ziň bag­ty­ýar­lyk döw­rün­de döw­let ta­ra­pyn­dan san­ly yk­dy­sa­dy­ýe­ti ös­dür­mek bo­ýun­ça uly iş­ler ama­la aşy­ryl­ýar. Hä­zir­ki wagt­da ýur­du­my­zyň esa­sy poç­ta gul­lu­gy özü­niň in­ter­net por­ta­ly­ny dö­ret­di. Ol öz­bo­luş­ly wir­tu­al bo­lup, por­ta­lyň kö­me­gi ar­ka­ly ýer­li kär­ha­na­la­ryň önüm­le­ri­ni sa­tu­wa çy­ka­ryp, tu­tuş ýur­du­myz bo­ýun­ça önüm­le­ri­ni ýer­le­mek bolup dur­ýar. “Türk­me­na­ra­gat­na­şyk” agent­li­gi­niň “Türk­men­poç­ta” poçta aragatnaşyk kompaniýasy elekt­ron hyz­mat­la­ry­na hyzmatyň tä­ze gör­nüş­le­ri­ni or­naş­dyr­ma­gy hem göz öňün­de tut­ýar.
Poç­ta ara­gat­na­şyk kom­pa­ni­ýa­sy­nyň ýö­ri­te iş­gär­le­ri-ça­par­la­ry in­ter­net-por­ta­lyň üs­ti bi­len ýer­le­nil­jek ha­ryt­la­ry tiz we ynam­dar el­tip ber­mek iş­le­ri­ni ýe­ri­ne ýe­tir­ýär­ler. Bu bol­sa aly­jy­lar hem-de sa­ty­jy­lar üçin, bir­nä­çe ýe­ňil­lik­le­ri dö­red­ýär. Ara­gat­na­şyk ul­ga­myn­da pul ge­çi­ri­mi­ni ka­bul et­mek, pul ge­çi­ri­mi­ni tö­le­mek, gym­ma­ty yg­lan edi­len hat-ha­bar­la­ry ka­bul et­mek, ha­ryt­lyk gör­nü­şin­de ýol­la­ma­la­ry ka­bul et­mek, abu­na ýa­zy­ly­şy­gy ka­bul et­mek, Ga­raş­syz Döw­let­le­riň Ar­ka­la­şy­gy­na agza döw­let­le­ri­ň ara­syn­da pul ge­çi­rim­le­ri­ni ka­bul et­mek, lo­maý we ow­nuk söw­da iş­le­ri we ho­ja­lyk ha­ryt­la­ry, elektroenergiýa, ýa­şa­ýyş jaý hyz­mat­la­ry­ tö­leg­le­ri­ni ka­bul et­mek, sar­gyt­ly hat-ha­bar­la­ry ka­bul et­mek, EMS hyz­ma­ty, ça­par­çy­lyk hyz­ma­ty, sal­gy­dan sal­ga gow­şur­ma hyz­mat­la­ryn­dan yba­rat­dyr.
Hä­zir­ki wagt­da “Türk­men­poç­ta” poç­ta ara­gat­na­şyk kom­pa­ni­ýa­syn­da 2526-dan gow­rak adam iş­läp, onuň Türk­me­nis­ta­nyň äh­li kün­jek­le­rin­de bö­lüm­çe­le­ri bar. Olar hat-ha­bar­la­ry, dö­wür­le­ýin abuna ýazylyşygy geçirmek we eýe­le­ri­ne wag­tyn­da gow­şur­ma­gy üp­jün ed­ýär­ler. Ho­wa ýo­ly, de­mir ýol we aw­tou­lag­lar ar­ka­ly her gün ýur­du­my­zyň şä­her­le­ri­niň ara­sy­nda hat­la­ry we ýol­la­ma­la­ry ug­ra­dy­lan sal­ga ýe­tir­ýär­ler. Şeý­le­lik­de, Türk­me­nis­ta­nyň iň çet­ki et­rap­la­ry­na-da ara­gat­na­şyk ul­ga­my bo­ýun­ça ýol­la­ma öz wag­tyn­da gow­şu­ryl­ýar. Her gün­de ýur­du­my­zyň äh­li kün­je­gi­ne gün­de­lik ne­şir­ler ýe­ti­ril­ýär. “Türk­men­poç­ta” poç­ta ara­gat­na­şyk kom­pa­ni­ýa­sy­nyň dü­zü­min­de hem öz­le­ri­ne yna­ny­lan we­zi­pe­si­ni ab­raý bi­len ýe­ri­ne ýe­tir­ýän ba­şar­jaň hü­när­men­ler az däl. Olar­dan Arslan Sähedowyň, Baý­ram­gül Bek­my­ra­do­wa­nyň, Nar­täç Bal­ly­ýe­wa­nyň, Mäh­ri­ban Ha­ne­ko­wa­nyň, Ma­ýa­gö­zel An­na­my­ra­do­wa­nyň, Güýç­my­rat Ça­ry­ýe­wiň, Işan Işa­no­wyň, Döw­let­my­rat Bap­ba­ýe­wiň, Maý­sa Ta­şi­ko­wa­nyň, Ma­ral Ese­no­wa­nyň, Aý­bö­lek Ata­ýe­wa­nyň, Gül­şi­rin Ama­no­wa­nyň, Ogul­la Täş­li­ýe­wa­nyň, Gül­na­bat Nur­ja­no­wa­nyň, Ha­ty­ja Te­ke­ba­ýe­wa­nyň at­la­ry­ny ag­zap geç­mek bo­lar. Bu hü­när­men­le­riň ýo­kar­da bel­le­ni­lip ge­çi­len iş­le­ri ýe­ri­ne ýe­tir­mek­dä­ki yh­las­ly zäh­me­ti müş­de­ri­le­riň al­kyş-ho­şal­lyk­la­ryn­da öz be­ýa­ny­ny tap­ýar.
“Türk­me­na­ra­gat­na­şyk” agent­li­gi­niň “Türk­men­poç­ta” poç­ta ara­gat­na­şyk kom­pa­ni­ýa­sy tarapyndan Türk­me­nis­tan­da san­ly yk­dy­sa­dy­ýe­ti ös­dür­me­giň Kon­sep­si­ýa­sy­ny dur­mu­şa ge­çir­mek bo­ýun­ça alnyp baryl­ýan iş­leriň çäklerinde san­ly yk­dy­sa­dy­ýe­te geç­mek bo­ýun­ça bir­nä­çe hyz­mat­lar hö­dür­le­nýär.
Res­mi­na­ma­la­ryň elekt­ron do­la­ny­şy­gy: hö­dür­le­ýän san­ly hyz­mat­la­ry­my­zyň sa­ny­ny we möç­be­ri­ni gi­ňelt­mek bi­len bir­lik­de kom­pa­ni­ýa­nyň we onuň dü­züm bir­lik­le­ri­niň ara­syn­da­ky res­mi­na­ma­la­ry­nyň do­la­ny­şy­gy­ny do­ly elekt­ron gör­nü­şe ge­çir­mek iş­le­ri hem al­nyp ba­ryl­ýar. Ýurdumyzdaky poç­ta ara­gat­na­şyk bö­lüm­le­rin­de tä­ze döw­re­bap komp­ýu­ter en­jam­la­ry or­naş­dy­ryl­dy we bir bitewi tor ar­ka­ly bir-bi­ri­ne bi­rik­di­ril­di, şeýle hem elektron onlaýn abuna ýazylyşygy ýola goýuldy.
Bu ugur­da al­nyp ba­ryl­ýan iş­ler gel­jek­de-de has kä­mil­leş­di­ri­lip, dün­ýä ül­ňü­le­ri­ne la­ýyk­lyk­da al­nyp bar­lar. Ýur­du­my­zyň gül­läp ös­me­gi, il-ul­su­my­zyň bag­ty­ýar dur­muş­da ýa­şa­ma­gy ba­bat­da, taý­syz ta­gal­la ed­ýän Gah­ry­man Ar­ka­da­gy­my­zyň ja­ny sag, öm­ri uzak, il-ýurt bäh­bit­li, dün­ýä äh­mi­ýet­li be­ýik iş­le­ri mun­dan beý­läk hem ro­waç­lyk­la­ra bes­len­sin! Dum­ly-duş­dan gel­ýän hoş ha­bar­lar bag­ty­ýar dur­mu­şy­my­zyň be­ze­gi­ne öw­rül­sin! Ola­ry ibe­ren-ge­ti­ren sag bol­sun!

Je­ren Ho­ja­my­ra­do­wa,
“Türk­men­poç­ta” poçta aragatnaşyk
kompaniýasynyň yk­dy­sa­dy­ýet we
şert­na­ma­lar bö­lü­mi­niň baş­ly­gy.
Al­ma­gül Gy­ly­jo­wa,
Abu­na ýa­zy­ly­şyk bö­lü­mi­niň baş­ly­gy.