Koreýa Respublikasy ykjam aragatnaşyk ulgamynyň 6G tapgyryna 2026-njy ýylda geçmegi meýilleşdirýär. Bu barada berlen beýanatda 6G tehnologiýasynyň 5G ulgamyndan 50 esse ýokary tizlikli internet hyzmatyny hödürlejekdigi mälim edildi.
5G tehnologiýasyny ulanmaga başlan Günorta Koreýa 6G ulgamyna geçmek üçin ilkinji ädimlerini ädýär. 6G bilen baglanyşykly strategiýalaryny mälim eden Günorta Koreýa munuň bilen baglanyşykly synag işlerini 2026-njy ýylda amala aşyrmagy göz öňünde tutýar.
“Gizmochina” internet saýtynyň habar bermegine görä, ýurduň hökümeti 2028-2030-njy ýyllar aralygynda 6G tehnologiýasynyň hyzmatlaryny doly hödürlemegi meýilleşdirýär.
5G tehnologiýasynyň maglumatlary göçürip almak tizligi teoretiki taýdan 20 Gbit / sek hökmünde kesgitlenildi. 6G bilen bu tizlik 1 Tbit / s bolar. Başgaça aýdylanda, 6G bilen hödürlenýän tizlik 5G-den 50 esse ýokary bolar.
