UEFA Çempionlar ligasynyň ilkinji 2 ýarym finalçysy belli boldy. Portugaliýanyň paýtagty Lissabonda geçirilýän duşuşyklarda düýn “Leipsig” bilen “Atletiko Madrid” duşuşdy. Çekeleşikli geçen oýunda Leipsig 2-1 hasabynda ýeňiş gazandy. Soňky minutlarda ýeňiş gazanan “Leipsigiň” gollaryny Daniel Olmo (51) bilen Taýler Adams (88) derwezä girizdi. Ispan klubunyň ýeke-täk pökgüsini bolsa, 71-nji minutda Žoao Feliks penaltiden tora gönükdirdi. Taryhynda 2-nji gezek gatnaşýan ýaryşynda ilkinji gezek ýarym finala çykan “Leipsig” ýarym finalda PSŽ bilen duşuşar. Mälim bolşy ýaly PSŽ çärýek finalda Italiýanyň “Atalanta” toparyndan 2–1 (Markinios 90, Çupo-Moting 90+3 – Paşaliç 27) hasabynda üstün çykypdy. PSŽ bilen “Leipsigiň” arasyndaky duşuşyk 18-nji awgustda geçiriler. Şeýle-de şu gün ýene bir çärýek finalçy belli bolar. Şu günki duşuşykda “Barselona” bilen “Bawariýa” özara güýç synanyşar. Çärýek finalyň soňky duşuşygy-da “Mançester Siti” bilen “Lionyň” arasynda bolar.
