UEFA Çempionlar ligasynda taryhy duşuşyk yzda galdy. Lissabonda geçirilýän ýaryşyň final tapgyrynda çärýek finalda Bawariýa” topary “Barselonany” 8-2 hasap bilen ýeňmegi başardy. Her ýarymda 4 gol geçiren “Bawariýanyň” adyndan Tomas Müller (4, 31), Iwan Perişiç (22), Serje Gnabri (27, Joşua Kimmih (63), Robert Lewandowski (82) hem-de Filippe Koutinio (85, 89) tapawutlandy. Her ýarymda 1 gol geçiren “Barselonanyň” pökgülerini Dawid Alaba (7 ö.d.) bilen Luis Suares (57) derwezä girizdi. Şunlukda, “Barselona” 1946-njy ýyldan soň, ilkinji öz derwezesinden 8 gol geçirtdi. Şeýle-de, soňky 14 ýylda ilkinji gezek Çempionlar ligasynyň ýarym finalynda ne Lionel Messi, ne-de Kristiano Ronaldo galdy. Bu duşuşyk Çempionlar ligasynyň taryhyndaky iň golly 3-nji duşuşyk hökmünde hasaba alyndy. “Bawariýa” şu möwsümde 155 gol geçirdi. Bu klubuň taryhyndaky iň ýokary görkezijä deňdir. Barselona 2007/2008 möwsüminden soň, ilkinji gezek 1 möwsümi kuboksyz tamamlar.
“Bawariýa” ýarym finalda şu günki “Mançester Siti”–“Lion” duşuşygyndan soň belli bolar.
