UEFA Ýew­ro­pa li­ga­sy­nyň ku­bo­gy­ny Is­pa­ni­ýa­nyň «Se­wil­ýa» to­pa­ry eýe­le­di. An­da­lu­si­ýa­ly­lar Ger­ma­ni­ýa­nyň Köln şä­he­rin­dä­ki «Rhei­nE­ner­gie» sta­dio­nyn­da oý­na­lan fi­nal­da «In­ter­den» 3–2 ha­sa­byn­da üs­tün çyk­ma­gy ba­şar­dy. Aý­ra­ty­nam, 1-nji ýa­ry­my diý­seň çe­ke­le­şik­li ge­çen oýun­da il­kin­ji bo­lup ital­ýan­lar ha­sa­by aç­dy. 5-nji mi­nut­da ni­der­land emi­ni Dan­ni Mak­ke­le­niň bel­län pe­nal­ti­si­ni dürs uran Ro­me­lu Lu­ka­ku to­pa­ry­ny öňe çy­kar­dy. Ýö­ne is­pan­la­ryň bu go­la jo­ga­by gi­jik­me­di. 12-nji mi­nut­da ni­der­land hü­jüm­çi Lu­uk de Ýong ha­sa­by deň­le­di. Yzy­gi­der­li çy­kyş ed­ýän En-Ne­si­ri­niň or­nu­na esa­sy dü­züm­de baş­lan Lu­uk de Ýong tä­lim­çi­si­ne nä de­re­je­de dog­ry ne­ti­je çy­ka­rý­an­dy­gy­ny su­but ed­ýän deý ol 33-nji mi­nut­da ýe­ne bir ge­zek ta­pa­wut­lan­dy. Ýö­ne 3 mi­nut­dan soň, ozal te­lim ýyl­lap Is­pa­ni­ýa­da oý­nan urug­waý­ly go­rag­çy Die­go Go­din ha­sa­by deň­le­di. Bu 1-nji ýa­rym­da­ky soň­ky gol bol­dy. Oý­nuň 2-nji ýa­ry­myn­da çe­ke­le­şik az­rak bol­sa-da, to­par­lar wag­tal-wag­tal howp­ly hü­jüm­le­ri gu­ra­dy­lar. Du­şu­şy­gyň 74-nji mi­nu­dyn­da sag gap­dal­dan ýe­ri­ne ýe­ti­ri­len je­ri­me ur­gu­dan soň, is­pan to­pary öňe saý­lan­dy. Şol pur­sat­da Die­go Kar­lo­syň üs­ta­şyr ýe­ri­ne ýe­ti­ren ur­gu­sy Ro­me­lu Lu­ka­ku­nyň aýa­gy­na de­gip der­we­zä gir­di. Bel­gi­ýa­ly hü­jüm­çi to­pa deg­me­dik bo­lan ýag­da­ýyn­da top meý­dan­ça­nyň da­şy­na bar­ýar­dy. Şon­dan soň, ital­ýan­la­ryň ha­sa­by deň­le­jek bo­lup eden ta­gal­la­la­ry öz ne­ti­je­si­ni ber­me­di. Ne­ti­je­de, «Se­wil­ýa» 3–2 ha­sa­byn­da ýe­ňiş ga­za­nyp, 6-njy ge­zek bu ku­bo­gy eýe­le­di. Mun­dan ozal, 2006-njy, 2007-nji, 2014-nji, 2015-nji hem-de 2016-njy ýyl­lar­da UEFA-nyň 2-nji de­re­je­li ku­bo­gy­ny ga­za­nan «Se­wil­ýa» bu ugur­da öz re­kor­dy­ny tä­ze­läp, 2-nji ýer­dä­ki klub­lar­dan ep-es­li ara­ny aç­dy.

Gyzykly bolup bilerЕЩЕ ОТ АВТОРА