Italiýanyň “Milan” topary 2 ýaş oýunçyny kärendesine transfer etdi. Olar ilki “Real Madridiň” ispaniýaly hüjümçisi Brahim Diaz bilen 1 ýyllyk şertnama baglaşdylar. 21 ýaşly oýunçy geçen möwsümde “Real Madridde” jemi 10 oýunda meýdança çykdy. “Milan” topary “Serie A” bilen hoşlaşan “Breşiýanyň” 20 ýaşly ýarymgoragçysy, geljekki Pirlo hökmünde görülýän Sandro Tonalini hem transfer etdi. Rossenerilileriň düzüminde bir ýyllyk kärendesine oýnajak Tonalini “Milan” möwsümiň ahyrynda 25 million ýewro töläp ymykly hataryna geçirip hem biler. “Milan” Tonaliniň 1 ýyllyk kärendesi üçin “Breşiýa” 10 million ýewro berer. Golaýda tejribeli hüjümçi Zlatan Ibrahimowiç bilen ýene-de 1 ýyllyk şertnama baglaşan “Milanyň” öňümizdäki günlerde bolsa “Lionyň” rumyniýaly derwezeçisi Çiprian Tataruşanuny hem transfer etmegine garaşylýar.
