Häzirki wagtda çykyş edýän iň ýaşuly futbolçy bolan ýaponiýaly Kazuýosi Miura 53 ýaşynda professional duşuşykda meýdança çykdy. Ol Ýaponiýanyň J-Ligasynda topary “Ýokohamanyň” myhmançylykda “Kawasaki Frontale” bilen geçiren duşuşygynda esasy düzüminde meýdança çykypdy. 56-njy minuta çenli meýdançada galan Miuranyň topary 3-2 hasabynda asgyn geldi. Şeýlelikde, ýaşuly futbolçy 53 ýaş 6 aý 28 gün bilen J-Liganyň rekordyny täzeledi. Ozalky rekord 2012-nji ýylda Konsadole Sapporo toparynyň 45 ýaşly oýunçysy Masasi Nakaýama degişlidi (45 ýaş ýaş 2 aý 1 gün). 13 ýyldan bäri “Ýokohama” toparynyň köýnekçesini geýip gelýän Miura 2-nji diwiziýada çykyş edýärdi. Ol soňky gezek 2007-nji ýylda ýokary ligada çykyş edipdi.
