Italiýaly suratkeş Sandro Bottiçelliniň XV asyrda döreden “Medal saklaýan ýaş adam” (Young Man Holding a Roundel) atly kartinasy ABŞ-nyň Nýu-Ýork şäherinde 80 million dollara satuwa çykarylar. Renesans döwrüne degişli bolan 550 ýyllyk surat “Sotheby’s” auksion öýi arkaly hödürlener. Kartinanyň 1470-1480-nji ýyllar aralygynda çekilendigi aýdylýar. Suratyň häzirki eýesi ony 1982-nji ýylda 810 müň funt sterlinge satyn alypdyr.
