Amerikanyň Milli Hokkeý Ligasy NHL-iň çempiony final tapgyrynyň 6-njy duşuşygynda belli boldy. “Dallas Stars” bilen “Tampa Beý Laýtning” arasyndaky 6-njy duşuşykda floridalylar 2:0 hasabynda ýeňiş gazandy. “Tampa Beý Laýtning” toparyna ýeňiş getiren gollary Point bilen Koulman derwezä girizdi. Şunlukda, umumy hasapda 4:2 öňe saýlanan “Tampa Beý Laýtning” taryhynda 2-nji gezek Stenli Kubogyna mynasyp boldy. Olar mundan ozal 2004-nji ýylda-da NHL-iň çempiony bolupdylar. 1-nji oýunda 4:1 asgyn gelen “Tampa Beý Laýtning” topary 2-nji duşuşykda 3:2, 3-nji oýunda 5:2, çekeleşikli geçen 4-nji duşuşykda 5:4 ýeňiş gazanypdy. Tapgyryň 5-nji duşuşygynda “Dallas Stars” goşmaça wagtdan soň, 3:2 ýeňiş gazanyp, umumy hasaby 4:2-ä ýetiripdi. Çempion toparyň ýyldyzy Wiktor Hedman final tapgyrynyň iň gymmatly oýunçysy diýlip saýlandy.

Gyzykly bolup bilerЕЩЕ ОТ АВТОРА