2020-nji ýylyň dowamynda Ýew­ro­pa se­bi­tin­de elekt­rik ulag­la­ry­nyň sa­tu­wy üç es­se ar­tar. Bu maglumaty «Trans­port & Environ­ment» (Ulag we daş­ky gur­şaw) gu­ra­ma­sy taýýarlapdyr. Elekt­rik to­gy bi­len iş­le­ýän hem-de gib­rid gör­nüş­li ulag­la­ry şu ýyl Ýew­ro­pa­da sa­ty­lan aw­tou­lag­la­ryň 10-dan bir bö­le­gi­ni eme­le ge­ti­rip, ge­çen ýyl­ky sa­tuw­dan üç es­se köp bolar.
Ýew­ro­pa­da­ky aw­tou­lag ön­dü­ri­ji­le­ri­niň ha­pa gaz­la­ryň zy­ňyn­dy­la­ry­ny azalt­mak üçin ed­ýän ta­gal­la­la­ry­nyň ne­ti­je­sin­de, gel­jek ýyl elekt­rik ulag­la­ry­nyň ba­zar­da­ky pa­ýy 15%-e ýeter. Bu çak­la­ma­lar 2020-nji ýy­lyň bi­rin­ji ýa­ry­myn­da­ky mag­lu­mat­la­ry­na esas­la­nyp taý­ýar­lan­dy. Elekt­rik aw­tou­lag­la­ry­nyň sa­tu­wy, Ýew­ro­pa­nyň daş­ky gur­şa­wy go­ra­mak ba­bat­da ama­la aşyr­ýan mak­sat­na­ma­la­ry­nyň çäk­le­rin­de iş­jeň ös­ýär di­ýip, gu­ra­ma­nyň hü­när­men­le­ri bel­läp geç­ýär.
Elektroulaglara bolan isleg diňe Ýewropa ýurtlarynda däl, bütin dünýäde hem artýar. «Tech Xplo­re» por­ta­ly­nyň ha­ba­ry­na gö­rä, geçen ýyl Nor­we­gi­ýa­da 60 müň 316 elekt­roulag sa­tyl­ypdyr. Şeýlelikde, umumy ulaglaryň 42,4 gö­te­ri­mi­ni elektrik energiýasy bilen işleýän ulaglar emele getiripdir.
Maglumatlara gö­rä, 2045-nji ýy­la çen­li dün­ýä­dä­ki ulag­la­ryň 16 gö­te­ri­mi elekt­rik­li bo­lar. Ne­bi­ti eks­por­t ed­ýän ýurtlaryň gu­ra­ma­synyň (OPEC) mag­lu­ma­ty­na gö­rä, 2045-nji ýyl­da dünýädäki ulaglaryň umumy sany 2,6 mil­liard, elekt­roulag­la­ry­ň sa­ny 430 mil­lio­n bolar. Hä­zir­ki wagt­da dün­ýä­de elekt­rik aw­tou­lag­la­ry­nyň sa­ny 7,2 mil­li­on­dan geç­di. Bu u­lag­la­ryň kö­pü­si Hy­taý­da we ABŞ-da jem­le­nen­dir.

Ogul­beg An­na­gur­do­wa,
Türk­me­nis­ta­nyň In­že­ner-teh­ni­ki we ulag
kom­mu­ni­ka­si­ýa­la­ry ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА