UEFA Çempionlar ligasynda “G” toparçada köpleriň sabyrsyzlyk bilen garaşýan duşuşygy oýnaldy. “Barselona” öz meýdançasynda “Ýuwentusy” kabul etdi. Çekeleşikli geçen oýunda italýan topary güýçli garşydaşyny 3-0 hasabynda ýeňip, toparçada 1-nji ýeri eýeledi. Italýan kluby öz meýdançasynda 2-0 utulypdy. Katalonlaryň derwezesinden gollaryň 2-sini 13-nji we 52-nji minutlarda penaltiden Kristiano Ronaldo, beýlekisini-de 20-nji minutda ýaş futbolçy Weston MakKenni owadan urgy bilen geçirdi. “Ýuwentus” topary “Kamp Nouda” “Barselonanyň” derwezesinden 3 gol geçiren ilkinji italýan kluby boldy.
Şeýlelikde, Ronaldo “Kamp Nouda” oýnan soňky 13 duşuşygynda 14 gol geçirdi. Şeýle-de 35 ýaşyndaky super ýyldyz klublardaky karýerasynda 650-nji goluny geçirdi. Geçen hepdäniň dowamynda tutuş karýerasyndaky 750-nji goluny geçiren Ronaldo “Sportingde” 5, “Ýuwentusda” 77, “Mançester Ýunaýtedde” 118, “Real Madridde” bolsa, 450 goly derwezä girizdi.
