Angliýanyň Liga Kubogynda (EFL Cup) ýarym finalçylar belli boldy. 2-nji liganyň wekili “Brentford” öz meýdançasynda “Nýukasldan” Dasilwanyň (66) ýeke-täk goly bilen 1–0 üstün çykdy. Myhmançylykda ýeňiş gazanan klublardan “Mançester Siti” Londonyň “Arsenalyny” 4-1 ýeňdi. Duşuşykda “Sitiniň” gollaryny Žesus (3), Mahrez (54), Foden (59) hem-de Laporte (73) tora girizdi. Mançester şäheriniň beýleki topary “Mançester Ýunaýted” myhmançylykda “Ewertony” soňky minutlarda Kawani (88) hem-de Marsialyň (90+6) geçiren gollary bilen 2-0 utdy. “Tottenham” hem myhmançylykda “Stok Sitiden” 3–1 üstün çykdy. London şäheriniň klubuna ýeňiş getiren gollary Beýl (22), Dewies (70) hem-de Keýn (81) derwezä girizdi.
Ýanwar aýynda oýnaljak ýarym finalda “Mançester Ýunaýted” bilen “Mançester Siti” hem-de “Tottenham” bilenem “Brentford” özara duşuşarlar.
