Internetiň giňden ýaýran şu döwründe sosial media ulgamynyň aýratyn orny uludyr. Şol sosial medianyň iň meşhurlarynyň biri-de “Ýuwentus” toparynyň super ýyldyzy portugaliýaly futbolçy Kristiano Ronaldodyr. Sosial media ulgamynda işjeň hereket edýän Ronaldonyň yzarlaýjylarynyň (followers) sany ýarym milliarda golaýlap barýar. “Instagram”, “Facebook” hem-de “Twitter” ýaly sosial media ulgamynyň iň esasy 3 görnüşinde iň öňdäki orunlary eýeleýän Ronaldonyň häzirki wagtda yzarlaýjylarynyň sany 485 milliondan geçdi. “Instagram” boýunça tutuş dünýäde 249 million yzarlaýjy bilen 1-nji orunda barýan 35 ýaşyndaky oýunçyny “Facebook” arkaly 145,8, Twitter”-de bolsa, 90,1 million adam ony yzarlaýar. Häzirki wagtda “Instagram” we “Facebook” boýunça dünýäde 1-nji ýerde barýan Ronaldo “Twitterde” 5-nji orny eýeleýär.
“Barselonanyň” super ýyldyzy Lionel Messiniň umumylykda 275, PSŽ-niň braziliýaly oýunçysy Neýmaryň hem 265 million yzarlaýjysy bar.
