Italiýanyň çempionatynda 16-njy tapgyrda oýnalan “Milan”–“Ýuwentus” duşuşygynda oýnuň ahyrlarynda rowaýaty futbolçy Paolo Maldininiň ogly Daniel meýdança girdi. Bu 19 ýaşly oýunçynyň “Serie A”-daky 6-njy duşuşygy boldy. Şeýlelikde, Maldinileriň maşgalasynyň “Milanda” geçiren duşuşyklarynyň (“Serie A”-da) sany 1000-e ýetdi. Ata Maldini – Çezare Maldini “Milanda” çempionatyň çäginde 347, kaka Maldini – Paolo Maldini 647, ogul Maldini – Daniel Maldini bolsa 6 duşuşyk geçirdi. Çezare Maldini 1954-1966-njy, Paolo Maldini bolsa, 1984-2009-njy ýyllar aralygynda “Milanda” oýnapdy.
